Ish-kreu i shërbimit sekret shqiptar "këshillon" pasardhësin: Në këto kushte, duhet të japësh dorëheqjen
Ish-kreu i Shërbimit Informativ Shtetëror në vitet 1997-2002, Fatos Klosi, i njohur për përplasjet e forta me të gjitha palët, kryeministrin dhe opozitën e kohës, thotë se kreu aktual i SHISH-it, Visho Ajazi Lika, duhet të japë dorëheqjen, derisa nuk ka arritur të fitojë besueshmërinë e kryeministrit Edi Rama. “Nëse kryeministri i vendit nuk ka besim tek kreu i Shërbimit, është e natyrshme që ky i fundit të japë dorëheqjen. Është nonsens, sidomos në këtë sektor, që të “punosh për Kryeministrin”, kur ai nuk të beson. Dhe në këtë rast, më duket se i ka të gjitha arsyet për të mos e besuar. Për mua, ky është një problem i Presidentit, ai duhet ta kuptojë sa më parë, se tani në atë kolltuk, ai duhet t’i shërbejë vendit dhe jo shefit që e ngjiti atje” shprehet Klosi në intervistën e dhënë për gazetaren Fernada Cenko në gazetën “Koha Jonë”. Klosi është në të njëjtën linjë me deputetët e PS-së, të cilët kanë deklaruar se dyshtetësia e tij është një fakt që bie në kundërshtim me titullin që ai mban dhe se problemi i largimeve të qytetarëve shqiptarë drejt Sirisë, është nxjerrë nga Shërbimi Informativ Shtetëror dhe Prokuroria, për të sfumuar situatën e tritolit në vend. Ai pretendon se SHISH-i e ka shfrytëzuar këtë informacion, duke anashkaluar dështimet me problemin e shpërthimeve. “Përsa i takon problemit të qytetarëve shqiptarë që kanë shkuar në Siri, më duket sikur ky problem u hap nga Shërbimi në bashkëpunim me Prokurorinë, për të sfumuar dështimet në problemin e shpërthimeve, sepse në të kundërt, nëse Shërbimi e ndiqte problemin dhe i kishte këto informacione, pse nuk veproi më parë dhe pse s’bëri asgjë për t’i ndaluar ata burra, gra e fëmijë që të shkonin drejt asaj kasaphane? Pse vetëm tani, kur po flitet për mosefikasitetin e punës së tij?”, - shprehet Klosi.
Lexoni intervistën: http://www.kohajone.com/te-ndryshme/item/6597-shik,-shish-dhe-kreu-visho-ajazi.html
k.k
Comments
Qofsha gabuar, por ia vken
<p> </p><p>Qofsha gabuar, por ia vken tu veme veshin zerave <span style="font-size: 1.2em; line-height: 1.7em;">sipas te cilave, </span></p><p><span style="font-size: 1.2em; line-height: 1.7em;">per shkak te pergjimeve te bera ndaj disa ministrave dhe Spartakut te Cantes se LSI-se,</span></p><p>Vishon e mban ne detyre vete Edi Rama.</p><p>Vetem kur te kete bere ristrukturimet e para ne qeveri dhe t'i jap nje dacke Braho Metemadhit,</p><p>atehere Vishos do t'i pranohet doreheqja dhe ai do kthehet ne Kanada te vazhdoj pjesen tjeter te denimit!</p><p> </p>
Add new comment