PD i bashkohet protestës së drejtuesve të furgonëve

Drejtuesit e furgonëve 8+1 kanë vijuar sot protestën e dyre duke bllokuar për rreth dy orë Rrugën e Elbasanit. Pas ndërhyrjes së policisë, ata kanë vendosur që të  grumbullohen në sheshin “Nënë Tereza”. Gjithashtu shoferët e furgonëve kanë bllokuar për disa minuta rrugën tek Zogu i Zi. Të pranishëm në protestë kanë qenë dhe disa deputetë të PD-së.Kryetari i Sindikatave të Pavarura të Shqipërisë, Gëzim Kalaja është shprehur se protesta për plotësimin e kërkesës së tyre do të vazhdojë. Ata tashmë do të marshojnë para Kryeministrisë.Policia e Shtetit bllokoi hyrjen në kryeqytet të mjeteve taksi 8+1, që ishin nisur për të protestuar para Kryeministrisë. Sipas policisë leja është dhënë për proteste vetëm të njerëzve dhe se nuk do të lejohet bllokimi i bulevardit “Dëshmorët e Kombit” me mjetet 8+1.Ndërkohë ministri i Transportit, Edmond Haxhinasto deklaroi dje se qeveria nuk tërhiqet nga vendimi për të mos lejimin e këtyre mjeteve për transportin e qytetarëve. Një masë e tillë u mor pasi disa aksidenteve fatale që sollën humbjen e jetëve. S.S