Zgjedhjet europiane. Shqetësim për hyrjen e mundshme në PE të neonazistëve gjermanë

Vendimi i Gjykatës Kushtetuese në Karlsruhe të Gjermanisë për të hequr praguna elektoral mund t’i hapë rrugë edhe partisë Neonaziste NPD që të hyjë në Parlamentin Europian, zgjedhjet për të cilin zhvillohen në muajin maj. Gjykata fillimisht uli pragun nga 5% në 3%, por edhe ky prag u kundërshtua nga rreth 19 parti të vogla, përfshirë NPD-në dhe Partinë Pirate Gjermane. Lidhur me mundësinë që ky vendim u krijon partive ekstremiste që të depërtojnë në PE, vetë gjykatësit thonë se EPP dhe Socialdemokratët mund të krijojnë një aleancë për të frenuar ndikimin e partive të vogla. Nga ana tjetër Martin Schulz, që është në krye të listës së socialdemokratëve ka shprehur shqetësimin e vet duke theksuar se “ne duhet të mobilizohemi që tani dhe të ndalojmë hyrjen e çdo partite ekstremiste në PE”. Në fakt fryma ekstremiste po rritet në disa vende të BE-së me Hungarinë në krye. Vendimi i marrë nga gjykata gjermane e bën Gjermaninë vendin e 14-të nga 28 që ka BE-ja ku nuk ka një prag kufi për zgjedhjet për në PE.

Më shumë në: http://euobserver.com/eu-elections/123279

s.z