Grupe paramilitare për çlirimin e Vorio Epirit?!- FOTO

Siti Balkanweb pretendon t’i ketë mbërritur në redaksi një foto e bërë nga qarqet nacionaliste greke, në të cilën pozojnë pesë persona që mbajnë në dujar një parrullë mbi Vorio Epirin. Ja raportimi që bën vetë Balkanweb-i:

“1914-2014, autonomi Vorio Epirit”. Me këtë parullë të shkruar në një mur, në ngjyrat e flamurit grek, një grup prej 5 personash pozojnë me veshje ushtarake dhe të maskuar.
Fotoja ka lidhje me faktin që qarqet nacionaliste greke, këtë vit përkujtuan 100 vjetorin e shpalljes së autonomisë së Vorio Epirit, toka brenda kufirit shqiptar, për të cilën ata pretendojnë se i përket Greqisë.
Këta djem të veshur paramilitarë dëshmojnë se kërkojnë autonominë e Vorio-Epirit duke pozuar në këtë foto, të cilën e kanë dërguar në redaksinë e BalkanWeb-it. 
Dyshohet se fotoja është realizuar në tokën shqiptare, ndoshta në Dhërmi, por ka zëra që pohojnë se ajo është bërë në veri të Greqisë, pa hyrë në token tonë. 
Gjithsesi qëllimi është një; këta persona të veshur me uniforma ushtarake kërkojnë njohjen si tokw greke, të disa krahinave në jug të Shqipërisë dhe lënë të kuptohet se do të luftojnë për këtë.
Nuk dimë se sa njerëz bëjnë pjesë në këto grupe, nëse ato ekzistojnë, por në foto kanë dalë 5 persona, një i gjashtë ka realizuar foton, të tjerë mund të jenë ideatorë. 
Burime nga Himara pohojnë për BalkanWeb se këta persona nuk janë shqiptarë, por janë anëtarë të partisë ekstremiste të djathtë, Agimi i Artë.

Balkanweb