Bushati thotë se nuk është korrekte të interpretojë homologun. Por, këtu bëhet fjalë për kufirin z. ministër!

Ministri i Jashtëm i Shqipërisë, Ditmir Bushati, pas përfundim të vizitës dyditore në Athinë ka folur për çështjen e diskutuara me zyrtarët e lartë grekë. “Pika e nxehtë” sigurisht që është çështja e kufirit detar. “Çështja e kufijve ujorë me Greqinë, është një nga elementet, por jo elementi i vetëm që duhet të adresohet së bashku me palën greke. Por cila është rruga, cilat janë procedurat?! Rruga është konsulta, bashkëpunimi, dakordësia dhe pika e referimit, sigurisht është e drejta ndërkombëtare, perspektiva jonë e përbashkët europiane dhe parimet e fqinjësisë të mire”, shprehet Bushati në intervistën dhënë gazetës “Shqip”.Sa i takon deklaratës së ministrit të Jashtëm të Greqisë, Venizelos, i cili u shpreh se, “synimi i Greqisë është përmbyllja e marrëveshjes së 2009-s”, Bushati thotë se nuk mund të interpretojë këtë deklaratë.“Nuk është korrekte që unë të interpretoj homologun tim për këtë çështje. Dua t’ju them se ka një përqasje të ngjashme për mënyrën se si duhen adresuar të gjitha këto çështje”, shprehet Bushati. “Mënyra se si do të adresohen konkretisht këto çështje, do të jetë pjesë e bisedimeve të mëtejshme.” S.S.