Lëvizja pa viza, kreu i policisë, Didi: “Po shfrytëzohet për trafiqe. Shqipëria vend origjinë”

Deri më tani qeveritë shqiptare përgjithësisht kanë bërë të vetin, opsionin se Shqipëria është një vend transit për trafiqet. Por sot, kreu i policisë shqiptare, Artan Didi, në një seminar për këtë çështje, organizuar nga OSBE-ja, ka pohuar të kundërtën, pra se Shqipëria është një vend i origjinës, sidomos për trafikun e qenieve njerëzore me qëllim prostitucionin. “Shqipëria vazhdon të jetë vend origjine për trafikimin me destinacion vendet e rajonit. Vajzat shqiptare shfrytëzohen për shërbime seksuale. Mënyra tradicionale është ofrimi i punëve si valltare dhe më pas përfshirja në rrjet prostitucioni. Rekrutimi bëhet në rrugë të ligjshme duke shfrytëzuar liberalizimin e vizave. Të miturit shfrytëzohen kryesisht për lypje. Trend në rritje është edhe shfrytëzimi i shtetasve të huaj për punë. Në dy raste shtetas nga Filipinet janë sjellë në Shqipëri nëpërmjet Kosovës dhe shfrytëzohen për punë. Trafikantët nuk përdorin më dhunë fizike për rekrutimin e viktimave. Në pjesën më të madhe bëhet marrëveshje mes viktimës dhe shfrytëzuesit për të ndarë fitimet me njëri tjetrin”, ka thënë Didi. Ndërkohë zv. ambasadori i OSBE-së, Robert Ëilton ka nënvizuar nevojën e identifikimit të viktimave dhe vënien para drejtësisë të përgjegjësve.

Më shumë në: http://www.balkanweb.com/kryesore/1/trafikimi-i-personave-didi-shqiperia-vend-origjine-shfrytezojne-levizjen-pa-viza-169099.html

s.z