Dule: “Grekët janë 10% e popullsisë në Shqipëri”. Një deklarim që duhet ballafaquar me numrin e votave të partisë së tij

“Omonia” deklaron se në Shqipëri 10% e popullsisë janë me kombësi greke. “Vizion Plus” ka përcjellë sot një aktivitet të zhvilluar në Derviçan të Gjirokastrës, nënkryetari i Parlamentit që është edhe kryetar i Partisë Bashkimi për të Drejtat e Njeriut, Vangjel Dule ka deklaruar se regjistrimi i bërë nga organizata “Omonia” është realist dhe larg shifrave e pavërteta të Censusit 2011. Gjatë nje aktiviteti në Derviçan të Gjirokastrës, për 23-vjetorin e krijimit të “Omonias”, zoti Dule shprehu problemet që shqetësojnë sot minoritetin grek, si mungesa e teksteve në shkolla dhe numri i ulët i të punësuarve në administratën publike. Deputetë grekë pjesëmarrës në aktivitet, shprehën mbështetje për integrimin e Shqipërisë në BE, kundrejt detyrimeve për minoritetin grek”, shkruan VP. Është interesant ky qëndrim konstant i Dules, sepse vit pas viti, sa herë ai ose ndonjë tjetër funksionar i partisë së tij ngrenë shqetësime të tilla, aq më keq reflektohen ato në rezultatet elektorale të PBDNJ-së. Çudi se përse një pjesë dërrmuese e minoritarëve grekë votojnë rregullisht një parti shqiptare si PS-ja përpara se të japin votën për Dulen.

s.z