Deputeti Ahmeti: ateistët janë demonë; Ministri Gashi: Ahmetit t’i hiqet mandati i deputetit

Një deputet i pavarur i parlamentit të Kosovës, Amir Ahmeti (shih foton), është ngritur para disa ditësh kundër disa analistëve, që “me veprimet e tyre tregojnë qartë se ata janë vet demoni”. Pse? Sepse janë ateistë, që “shpifin e gënjejnë pa ndërprerë” dhe “akuzojnë islamin dhe myslimanët për fundamentalizëm e radikalizëm e madje edhe për terrorizëm pa kurrfarë argument”. Dhe më tej: “Kosova është në rrezik të madh nga disa njerëz pa dinjitet, të zhveshur nga çdo vlerë humane, të cilët nuk i takojnë asnjë besimi po madje as nuk janë jobesimtarë (sic) që t’i quajmë ateistë. Ata janë niveli më i ulët i qenies njerëzore".

Dardan Gashi, ministër i Mjedisit në Kosovë, ka reaguar sot ndaj këtij qëndrimi të Ahmetit. E ka bërë nëpërmjet një shkrimi dërguar Gazetës Express, në të cilin e quan Ahmetin “përfaqësues të fashizmit fetar”. Gashi apelon që Ahmetit “t’i revokohet mandati për shkelje të betimit dhënë në emër të Kushtetutës së Republikës së Kosovës”.

Tekstin e plotë të Dardan Gashit mund ta gjeni në linkun http://www.gazetaexpress.com/?cid=1,15,131750

Re.Pu.