Një shembull solidariteti qytetar: Krujë, një kishë katolike ndërtohet me kontributin e familjeve myslimane

Mund të konsiderohet padyshim një rast ku toleranca fetare e shqiptarëve është diçka më shumë sesa deklaratë e zakonshme politike. Një kishë për komunitetin katolik në fshatin Derven të Krujës është ndërtuar me ndihmë edhe të 15 familjeve myslimane, të cilat kanë kontribuuar financiarisht, ose me punë vullnetare. “Pa dallim feje, Myslimanë dhe të Krishterë, janë bashkuar vullnetarisht me ne për të ndërtuar Kishën për të cilën u jemi shumë mirënjohës. Ky solidaritet vëllazëror, human e fetar është i veçantë për të gjithë ne dhe Shqipërinë, sepse në të gjithë botën, vetëm Shqipëria ka një fe të përbashkët, Myslimanë dhe të Krishterë", tha meshtari i Kishës së fshatit Derven, Pashk Cypi. Po kështu edhe zv/Ipeshkvi i Tiranës dhe Durrësit George Frendo ka vlerësuar aktin dhe mesazhin që ai përcjell, në një kohë kur problemet me sfond fetar nuk i mungojnë kohës sonë.

Mw shumw: http://www.gazetaexpress.com/?cid=1,15,131665

s.z