Mbyllen ambasadat tona në Zagreb, Pogdoricë e Sarajevë. Në këtë të fundit, ministri qenkësh konfliktuar me ambasadorin

Gazeta Panorama njofton se ministria e Punëve të Jashtme është duke përgatitur draftin për mbylljen e tri ambasadave, në Kroaci, Mal të Zi dhe Bosnjë- Hercegovinë. Këto ambasada mund të konsiderohen të falimentuara që tani, thotë gazeta, pasi buxheti që ministria ka akorduar për to nuk i kalon të 400 mijë eurot. Në Sarajevë ambasada funksionon vetëm me ambasadorin, në Zagreb dhe në Podgoricë funksionojnë me ambasadorin dhe dy punonjës të tjerë. I pyetur nga “Panorama”, zëdhënësi i kësaj Ministrie, Glevi Dervishi, tha se “është duke u vlerësuar puna e Ambasadës sonë në Sarajevë”, duke mohuar mbylljen e dy ambasadave të tjera, atë në Zagreb dhe në Podgoricë. Nga ana tjetër, gazeta ka zbuluar se një arsye e fortë për “Sarajevën” është konflikti që paska patur ministri Bushati me ambasadorin Flamur Gashi (foto). Në rrënjë të përplasjes qëndron fakti që Gashi është takuar personalisht me funksionarin e lartë të Departamentit të Shtetit Jonathan Moore dhe ish ambasadorin Wisner,  para se Moore në vinte për vizitë zyrtare në Tiranë.
a.k