Karta e fundit e Berishës, sipas Hilës

Në një shkrim në Gazetën Shqiptare, Dritan Hila merret me idenë e hedhur kohët e fundit nga deputetë të maxhorancës, sipas së cilës, subjekti që do përzgjidhet nga presidenti për të formuar qeverinë nuk do jetë koalicioni më i madh, por partia më e madhe. Pasi të përdorë të gjitha marifetet e mundshme para, gjatë dhe pas votimit, hamendëson Hila, kjo mund të jetë karta e fundit që mund të luajë Berisha, me shpresën se do të blejë disa deputetë të së majtës. “Në marrëveshje edhe me aleatët brenda koalicionit, Partia Demokratike ia kalon vetes votat e aleatëve, duke u shpallur partia më e madhe. Pakkush ka të ngjarë të ankohet për parregullsitë. Kryetarët e partive aleate të PD-së janë në listat e saj, pra me vend të sigurtë në parlament,” shkruan Hila. Që Berisha mund ta tentojë këtë kartë, nuk është çudi. Vetë fakti se zërat nga mazhoranca që e përmendin këtë ide idiote po shtohen, të bën të mendosh se është një nga kartat që mund të luajë Berisha. Por në qoftë se koalicioni i majtë ka shumicën në Kuvend, shumë e vështirë do të jetë për Berishën të mbledhë 71 vota, edhe pse Nishani mund ta mandatojë për formimin e qeveirisë. Më e lehtë për Berishën mund të jetë prishja e kutive të fundit në disa KZAZ dhe hedhja e fajit opozitës… E.Zaloshnja I plotë shkrimi i Hilës: http://www.balkanweb.com/analiza/2689/kryeminister-i-partise...