Pëllumb Xhufi bën “endorsement” të Aleancës Popullore dhe u bën apel çamëve për 23 qershorin

Në shkrimin e botuar edhe nga Dita, Pëllumb Xhufi artikulon hapur se “PDIU, që ka pretenduar të përfaqësojë në këto vite çështjen çame, e ka braktisur në mënyrë të turpshme atë. Kjo parti, pa ndonjë konsultim paraprak me votuesit e saj, pranoi të bëhej pjesë e qeverisjes, por përtej flamujve, premtimeve pompoze e tamtameve, nuk i dha asnjë shtytje çështjes çame.”

Pasi rreshton shumë nga rastet kur PDIU nuk bëri asgjë për Çamërinë, (u tërhoqën nga beteja për refuzimin e regjistrimit të popullsisë të bërë sipas kritereve të imponuara nga Athina, u tërhoqën nga Rezoluta çame; nuk ia prishën qetësinë qeverisë, as kur kjo refuzoi qoftë edhe ta përdorte emrin Çamëri në fjalime apo dokumente zyrtare; as kur kjo pranoi t’i nënshtrohej shantazhit të Athinës për të tjetërsuar emrat e vendeve të Çamërisë në dokumentet e identifikimit; as kur qytetarë shqiptarë fyheshin e ktheheshin në kufi vetëm për shkak të origjinës së tyre çame, etj), Xhufi i kthehet partisë së “re” çame, Aleancës Popullore të udhëhequr nga Dojaka, për të deklaruar se “jam i bindur se kësaj radhe kemi partinë dhe njerëzit e duhur.”

Ai argumenton pse AP i duhet çamëve dhe u sugjeron hapur që ta mbështesin atë në zgjedhje, edhe pse koalicioni ku aderon AP, sipas gjasave do të jetë koalicioni fitues, dhe çamët duhet të përfaqësohen me ta në Parlament.

k.c.

shkrimi i plotë:

http://gazetadita.al/nje-apel-per-camet-dhe-per-23-qershorin/