Një lojë ngriva-shkriva e Jani Janit?

Jani Jani është anëtari i KQZ-së i propozuar nga PBDNJ-ja. Ai dje shpalli “ngrirjen e marrdhënieve” me KQZ-në, pas dorëheqjeve të njëpasnjëshme të dy komisionerëve të propozuar nga PS-ja, Denar Biba dhe Albana Shtylla, në shenjë proteste ndaj lirimit nga detyra të anëtarit Ilirian Muho, i propozuar nga LSI-ja. Por Jani Jani mund të shkarkohet nga detyra në qoftë se mungon në dy mbledhje të KQZ-së. Dhe sot kjo e fundit bëri "mbledhjen" e parë pa pjesmarrjen e Janit…

KQZ-ja shyrtoi dhe miratoi vetëm me votat e 4 anëtarëve pjesmarrës disa projekt-vendime të rëndësishme, si “Për regjistrimin si subjekt zgjedhor të 72 partive politike, për zgjedhjet për Kuvend të datës 23.06.2013.”, sipas listës së paraqitur në KQZ”, etj.

Të shohim nese do ta “shkrijë" veten Jani në mbledhjen tjetër të KQZ-së. Kjo do të varet nga pozicioni i PBDNJ-së. A do të futet ajo në koalicionin mazhoritar, për ta çuar në 5 numrin e anëtarve mazhoritarë të KQZ-së, apo do të rrijë në opozitë?
E.Zaloshnja