Ka pasur tension mes Arvizu-së e Berishës? Who knows?

Të përditshmet e sotme e kanë bërë raportimin e takimit të mbrëmshëm mes Berishës e Arvizu-së në të njëjtën mënyrë, dukë lënë të nënkuptohet se takimi ka qenë i tensionuar. Nuk u referohen burimeve të caktuara; përkundrazi, të gjitha nënvizojnë faktin që “nuk kanë mundur të marrin vesh ndonjë detaj nga biseda e bërë mes të dyve”. Dhe prandaj, aludimi për një bisedë të tensionuar bazohet tek deklarata të mëparshme të ambasadorit amerikan, sidomos asaj ku thuhet se – ky është citim i paradites së djeshme – “askush nuk besohet se kërkon rrugën e përplasjes me SHBA-të”.

Berisha “e kërkoi rrugën e përplasjes me SHBA-të”, dhe ia ka dalë ta manaxhojë shumë mirë takimin me Arvizu-në në pikëpamje mediatike, duke krijuar idenë a perceptimin se nuk ka pasur asnjë tension në bisedën mes të dyve. Ai e thirri, e përcolli deri tek dera e ndërtesës kryeministrore, i dha dorën, i dha dhe një buzëqeshje vesh më vesh, dhe “e dërgoi” ta priste në Kuvend, ku më pas kish planifikuar të mbante dhe një fjalim në prani të tij.

Re.Pu.