Kusturica provokon boshnjakët: premiera e Urës Mbi Drin në përvjetorin e nacionalizmit serb

Regjisori i serbizuar Kusturica është kthyer në qendër të polemikave nacionaliste, pasi ka vendosur që në bashkëpunim me një nga teatrot më të njohura në Itali, Fenice, të vërë në skenë Ura Mbi Drin, të konsideruar si vepra më e mirë e nobelistit serb, Ivo Andriç. Por, shfaqja në fjalë ka shkaktuar një reagim të madh në Bosnje, pas lajmit se data e premierës do të ishte 28 qershori i vitit 2014, n[ Vishegrad. Publikut të huaj kjo datë nuk i thotë asgjë, por për ish-Jugosllavinë është problematike, sepse “rastis” të jetë përvjetori i betejës së fushë-Kosovës (1389), betejë që është gur-themeli i nacionalizmës serbe. Në Vishegrad, siç shkruan La Stampa, bosnjakët gjithashtu janë acaruar sepse në vitet ’90 kaluan spastrim etnik nga serbët, mu afër urës së famshme. Mijëra e-maile drejt teatrit La Fenice të dërguara prej boshnjakëve synojnë anullimin e veprës. Kusturica njihet si filo-serb dhe kundërshtar I luftës së NATO-s për të mbrojtur Kosovën.

n.s.