Autori i dyshuar i vrasjes së balerinës, nipi i nëndrejtorit të policisë Kuliçaj?

Sipas portalit online të gazetës Dita, policia e Tiranës ka identifikuar autorin e vrasjes së balerinës Sonila Tafa. “Dita” online shkruan se “Policia e Tiranës bën të ditur se autori i dyshuar i vrasjes aksidentale të vajzës 26-vjeçare është Artur Kuliçaj, 34 vjeç, nip i Agron Kuliçajt, nëndrejtorit të përgjithshëm të policisë së shtetit. Ai është shpallur në kërkim dhe uniformat blu po punojnë për kapjen e tij.”

Në lidhje me ngjarjen, Gazeta Shqip shkruante sot se “26-vjeçarja është vrarë me armë zjarri mëngjesin e së shtunës në Tiranë. Ngjarja e rëndë ka ndodhur në afërsi të Kasharit, në një prej lokaleve të natës, me muzikë live dhe balerina. Burime nga policia bëjnë me dije se viktima, e identifikuar si Sonila Tafa, është qëlluar aksidentalisht, por ende nuk dihet se kush ka qenë objektivi.”

k.c.