Ka shumë shqiptarë që kësaj here kanë frikë se aksidenti do të jetë fatal – shkruan Lubonja për zgjedhjet e qershorit

Nuk mund të mos të të bjerë në sy se shumë shqiptarë që ngasin makinën apo ulen në sediljen e parë të pasagjerit, veçanërisht meshkujt, refuzojnë ta vënë rripin e sigurisë, u duket si zhburrërim, si përtesë, si mungesë lirie a ku di unë. Shumë syresh, madje, për të evituar atë sinjalin “pi-pi-pi…”, që bëjnë makinat e reja, e kalojnë rripin mbrapa sediljes, e fusin pastaj tek ajo kllapa dhe rrinë rehat për shtatë palë qejfe. Megjithatë, unë kam bindjen se shumica e këtyre shqiptarëve nuk do ta blinin një makinë që nuk ka rripa sigurie, sepse do t’u dukej e vjetër, e dalë mode, jo europiane, jo në përputhje me statusin që kërkojnë të kenë etj. – shkruan Fatos Lubonja në një opinion të sotëm në të përditshmen Panorama duke shtuar se ky raport që kemi me makinat e reja dhe rripat e tyre të sigurisë i duket "një metaforë e mirë për të shprehur raportin tonë me shtetin e së drejtës".

Lubonja e vijon metaforën duke shkruar për zgjedhjet e qershorit, për të cilat thotë ndër të tjera:

"Ja na erdhën zgjedhjet parlamentare, të shtatat që bëjmë në këta njëzet vjet. Shikoni si shkëlqen makina. .. Vënia e arbitrit/rripit të sigurisë që do të duhet të ishte garant i numërimit të saktë dhe mosvënies në diskutim të rezultatit. Por këta rripa janë prapa sediljes…Ka shumë shqiptarë që kësaj here kanë frikë se aksidenti do të jetë fatal".

I plotë:

http://www.panorama.com.al/2013/03/29/pa-rrip-sigurie/

Foto LSA:

Berisha, gjate ceremonise se perurimit te memorialit te izolimit komunist “POSTBLLOK”, prane hyrjes se ish bllokut, nje projekt i iniciuar nga bashkia e Tiranes ne bashkepunim me publicistin Fatos Lubonja dhe piktorin Ardian Isufi.