Zv. Ministri Bozdo akuzon Ramën se i detyron deputetët të votojnë kundër

Eno Bozdo, zv/Ministër i Ekonomisë, ka akuzuar sot Edi Ramën si “mace e zezë e ekonomisë”. Bozdo ka rreshtuar shumë arsye pse ndodh kjo, duke e konsideruar Ramën përgjegjësin e vetëm që i “detyron” deputetët të votojnë.

Lista e akuzave të Bozdos, sipas Panoramës, ishte pak a shumësi më poshtë:

“Zoti Rama i detyroi deputetët e tij të votojnë kundër fondeve për ndërtimin e 10 mijë kilometrave rrugë.
Zoti Rama i detyroi deputetet e tij të votojne kundër ndërtimit të 16 impianteve të vaditjes.
Zoti Rama i detyroi deputetët e tij të votojnë kundër ngritjes së terminalit të pasagjerëve në Durrës.
Zoti Rama i detyroi deputetët e tij të votonin kundër të gjitha uljeve të taksave dhe reformave të përmirësimit të klimës së biznesit.
Zoti Rama i detyroi deputetët e tij të votonin kundër të gjitha konçesioneve dhe është zotuar ti anullojë ato.”

Pra, këto janë pak a shumë kriteret për të qenë mace e zezë e ekonomisë.
k.c.