Marjan Gryka flet për Azemin e Berishën; por ai në një farë mënyre bën historinë e 23 viteve të “demokracisë”

Në numrin e sotëm të gazetës Dita ish publikuar një intervistë e ish rojes së trupit të Azem Hajdarit, dhënë disa ditë më parë radios kosovare “Zëri i Mitrovicës”. Është një intervistë që shpjegon në mënyrën e vet (ndoshta është mënyra më e saktë) gjithë historinë shqiptare të 23 viteve të fundit. Ja disa pohime të marra nga intervista:

-Unë jetoja në shtëpinë e Azemit, dhe një ditë, sapo u zgjova nga gjumi, Azemi më thirri në dhomën e tij, dhe më tha: “Mario, sot kemi një betejë, kemi mbledhjen e Këshillit Kombëtar të PD-së; është dhënë urdhëri që Azemi të mos hyjë brenda; si do ia bëjmw?”

-Unë me një buzëqeshje i thashë: Bacë, ne do hyjmë aty ku njerëzit na duan.

-Për t’i rënë shkurt, ne të armatosur e çamë postbllokun [ishte viti 1994], dhe u futëm në sallën e pallatit të kongreseve.

-Azemi nuk ishte parashikuar të fliste në atë mbledhje, por ne “me mjete demokratike” e bindwm protokollin që ta fuste atë në listën e diskutantëve.

-E mori fjalën Azemi, dhe u tha: “…Unë jam Azem Hajdari, djali i Shpend Hajdarit. E kam për nder që jam djali i tij, por … unë i rrëzova idealet e tij. Unë e rrëzova Enverin”.

-Nga fillimi i vitit 1996, Azemi, i mbetur pa imunitet, shkarkohet nga detyrat parlamentare dhe përjashtohet nga PD-ja, dhe ne kaluam me sindikatat. Pra lideri i dhjetorit ishte në rrugë, me truprojën e tij, që kish armë në brez, por pa leje.

-Një natë agjentët e SHIK-ut kishin rrethuar shtëpinë e Azemit, por ne i morëm peng, i çarmatosëm, dhe i çuam te Gazeidede, të cilit i thamë: Ti je turpi i kombit, dhe tradhëtia e kombit!

-[Në vitin 1997 Azemi u riafrua me Berishën, me kërkesën e këtij të fundit], dhe ne po shkonim në takime me Presidentin Berisha, që nuk jepte dorëheqje, dhe në çdo takim na vriteshin nga dy shokë… shumica e tyre ishin mirditorë.

-Në nëntë atentatet që i janë bërë Azem Hajdarit ka pasur dorë Partia Demokratike.

-[Ditën që e vranë], kur ka hyrë Azemi në selinë e Partisë Demokratike, PD-ja ishte një kufomë e gjallë. Nuk kish asnjë njeri. Në korridor ka dalë Pollo me tre vetë të armatosur. Ishin tropojanë.

-[Këtu ndërhyn një dëgjues i radios kosovare], dhe pyet: Me çfarë gyximi e mbi ç’baza e akuzoni Berishën, që për ne kosovarët është Skënderbeu i dytë?

-Etj, etj. Me që ra fjala, sot po festojnë me pompë pëvjetorin e demokracisë.