Bushati: “albanofobia” e Berishës ngjason, nga mënyra sesi prezantohet, me tezat e viktimologjisë serbe

Në një shkrim te Tema, Ditmir Bushati analizon nacionalizmin në përballje me vlerat euro-atlantike. Ai gjykon se çaprashitjet nacionaliste mund të pengonin dialogun Prishtinë-Beograd dhe vlerëson se Berisha në teza i ngjan viktimizimit serb. Shkruan Bushati:

“Në rrafshin rajonal “albanofobia” e Berishës përveç se ngjason, nga mënyra sesi prezantohet, me tezat e viktimologjisë serbe, nuk gjen mbështetje ndërkombëtare, sepse çdo destabilizim i hapësirës trekëndore Shqipëri-Kosovë-Maqedoni Perëndimore, mund të shoqërohet me një shpërbërje të pakontrolluar të Bosnje Hercegovinës dhe çimentimin e përpjekjeve për krijimin e një identiteti të veçantë maqedonas, çka do të minonte themelet ekzistuese të shtetit maqedonas.”

Bushati mendon se e tëra është për konsum të politikës së brendshme:

“Përderisa në rrafshin historik, gjeopolitik dhe rajonal tezat nacionaliste të Berishës nuk rezonojnë me vlerat euro-atlantike, jemi në kushtet e përdorimit të politikës së jashtme në funksion të interesave të politikës së brendshme. Thënë ndryshe, jemi para një “kreativiteti destruktiv” që tenton të mbulojë dështimet e reformave të brendshme dhe stanjacionin në procesin e integrimit europian, në këtë prag ballafaqimi zgjedhor,” shkruan ai.

k.c.

I plotë:

http://www.gazetatema.net/web/2013/03/23/midis-nacionalizmit-dhe-vlerave-euro-atlantike/