Gallup: Kosova e Shqipëria në krye të 6 vendeve që mbështesin SHBA-të

Sipas sondazheve të fundit nga Gallup, lidershipi i Shteteve të Bashkuara ka ruajtur mbështetjen e plotë në gjashtë shtete, në të cilat prijnë Kosova e Shqipëria. Katër të tjerat janë Irlanda, Mbretëria e Bashkuar, Holanda dhe Italia. Megjithatë, sipas sondazhit, udhëheqja e SHBA-së ka dështuar që të marrë mbështetje në shtetet si në Francë, Spanjë dhe Suedi, ku miratimi ka rënë në nivelin e vitit 2011.

Pikëpamjet për lidershipin amerikan kanë vazhduar që të përkeqësohen në shtetet e goditura nga kriza ekonomike, si Hungaria, Kroacia, Maqedonia e Austria. Rusia ka zëvendësuar Serbinë në vitin 2012, si një shtet evropian me miratimin më të ulët për lidershipin amerikan, vetëm 14 për qind.

Në sondazh thuhet se imazhi i udhëheqjes amerikane gjatë vitit të katërt të Barack Obamës si president, ka qenë më dobët sesa në vitet paraardhëse. Miratimi mesatar i lidershipit amerikan në 130 shtete ka qenë 41 për qind në vitin 2012, krahasuar më 49 përqind sa ishte në vitin e parë të Obamës si president. Me gjithë këto shifra të ulëta, miratimi prapë mbetet më i lartë sesa ishte në fund të administratës Bush. / REL