PD-ja, Selami e Berisha, parë me syrin e Ylli Vejsiut, një ish-themeluesi

Rishfqet Ylli Vejsiu, një nga themeluesit e PD. Në një intervistë për GSH, ai flet për ikjen e Eduard Selamit, duke thënë se “Z.Selami nuk duhej të ikte nga PD-ja. Për mendimin tim, ikja ishte një gabim. Z.Selami paraqiti një mendim alternativ dhe nuk ishte i imponuar. Nuk kishte asgjë kundër z.Berisha, por kishte një kontradiktë me Kushtetutën”. Për Vejsiun, Selami “i jep vlerë PD-së, dhe, kudo që të jetë, kam besim se do të jetë i fituar”.

Është intersant tëshihet PD e sotme me syrin e një ish-themeluesi të lënë në harresë. Thotë Vejsiu: “....prej kohësh PD-ja i mban dyert të hapura për ish-të larguarit dhe kjo është një gjë shumë pozitive. Në mënyrë të veçantë duhet vlerësuar z.Berisha për këtë hap që ka ndërmarrë, thirrjes së të cilit i janë përgjigjur pozitivisht, për t’u ribashkuar sërish në PD pavarësisht hatërmbetjeve të dikurshme,” thotë Vejsiu. Madje e vlerëson këtë thirrje si “shumë e sinqertë nga ana e z.Berisha dhe ka qenë një politikë konstante e PD-së hapja e saj. Unë e vlerësoj këtë, pasi hapja e partisë është shumë e domosdoshme, sigurisht tani që PD-ja pretendon një mandat të tretë qeverisës për të cilin i ka shanset”. Duket sikur në PD po krijohet një klimë e mirë, me dyer të hapura për këdo, deri në momentin që Ylli Vejsiu pyetet për veten e vet dhe thotë “Jo, deri tani nuk kam pasur asnjë ofertë, por ajo që mund të them është se PD-ja më ka vlerësuar dhe respektuar përherë. Më kanë ftuar përkrah figurave qendrore të partisë sa herë që PD-ja ka kremtuar ndonjë datë të rëndësishme dhe këtë e vlerësoj shumë.”
k.c.

E plotë:

http://www.balkanweb.com/kryesore/1/vejsiu-te-kthehen-ne-pd-kritiket-jo-armiqesoret--mbrojta-selamin-kur-e-shkarkuan-122574.html