Denoncova se pata besim tek ju, por u katandisa rrugëve i kërcënuar – i shkruan një ish-doganier "besnik", Berishës

Një doganier i cili disa muaj më parë denoncoi në media kontrabandën në pikën kufitare të Kapshticës, u zhduk dy ditë pas denoncimit dhe askush nuk u morr më me të. Katër muaj pas atij denoncimi, ai ka dërguar një letër për Berishën botuar sot në të përditshmen DITA, ku ndër të tjera ky person (emri i tij është Urim Gjata) shkruan:

“Mirmbrema z.Kryeminister! Gjate gjithe kohes te sherbeva me besnikeri duke rrezikuar disa here jeten timen dhe te femijeve. Ne emigracion mbi çdo gje vendosa idealet e PD-se dhe besnikerine ndaj jush... Ne doganen e Kapshtices isha i vetmi me ju... U mundova te komunikoja me ju sepse te tjeret ishin vete pjese e asaj historie, por pa rezultat. Denoncova sepse besova dhe besoj tek ju... Por gabova. Ata qe une denoncova sot jane me te fuqishem. Edhe nga ju z kryeminister? Mosmarrja ne konsiderate e akuzave te mija 100/perqind te vertetueshme nga Ju dhe i ndodhur perballe kercenimeve tejet te renda, u ndjeva pa mbrojtje, ndaj u detyrova te largohem me dy femijet e mij pa deshiren time. E bëra per ti shpetuar hakmarrjes se verber te bashkpunetoreve tuaj. Me respektin, besimin, sherbimin ndaj jush denoncova i bindur se ju mbroja ju dhe idealet demokratike, duke luftuar dhe denoncuar korrupsionin dhe kondrabanden. Por perfundova pa motiv, i kercenuar dhe azilant rrugeve te Europes...”

Pas denoncimit i kanë ardhur dy zyrtarë të cilët “më shumë se për kontrabandën ishin të interesuar të mësonin sa dija dhe deri ku mund të arrija me akuzat e mia” – thotë doganieri Gjata. Dhe më pas rendit nja 15 raste të rënda kontrabande për të cilat thotë që ka qenë dëshmitar. Në një prej tyre implikon një këshilltar të Ministrit të Financave (me të është në foton shoqëruese marrë nga botimi i sotëm i gazetës DITA), për të cilin thotë:

“Në një rast na u kërkua të gjithë doganierëve nga 300 mije leke secili. Na u tha që duheshin per “te financuar nje kollone te ndricimit te stadiumit Korce”. Mësuam se lekët (qe u mblodhen nga shefi i doganes) ju derguan këshilltarit të ministrit Elvi Fundo ne zarf...”

E diku më pas shkruan: "...Në zyrat e doganes eshte nje liste me 150 biznesmene, shumica sponsorë te PD-se qe nuk paguajnë detyrimet doganore qindra milione leke duke krijuar evazjon fiskal. Lejohet te kalojne me forcen e urdherit nga shefat pa u prekur". a.n

Shih edhe:

http://www.respublica.al/artikuj/2012/08/21/hajde-denoncim-h...

Më shumë:

http://gazetadita.al/leter-berishes-nga-nje-i-arratisur-deno...