400 mijë dollarë bast që Putin bie para fundit të vitit

Një përdorues anonim ka vendosur një bast prej 400 000 dollarësh në platformën e basteve me kriptovaluta Polymarket, duke parashikuar se Vladimir Putin nuk do të jetë president i Rusisë në fund të vitit 2026.

Basti, i raportuar për herë të parë nga NBC News, u bë nga një llogari anonime e Polymarket, me emrin e përdoruesit ZnotluvuiSamez dhe një fotografi që tregon flamurin ukrainas.

Përdoruesi ka vënë baste të shumta që përfshijnë Rusinë dhe Ukrainën, por më i madhi i tij deri më tani është ai i opsionit "Po" me vlerë 409 000 dollarë mbi pyetjen "A largohet Putini si President i Rusisë deri më 31 dhjetor 2026?".

Basti i përdoruesit është shumë kundër tregut, pasi organizatorët e basteve besojnë se ka vetëm 12% shanse që Putini të humbasë presidencën ruse - edhe pse ai nuk kandidon për rizgjedhje deri në vitin 2030.

Sipas NBC News, lojtari misterioz mund të fitojë deri në 2.5 milionë dollarë nëse basti shkon në favorin e tij.

Basti i dytë më i madh i përdoruesit është një bast prej 61 000 dollarësh se Ukraina do ta rimarrë Krimenë deri në fund të vitit, një rezultat që tregu beson se ka vetëm 12% shanse të ndodhë.

Lojtari misterioz rezulton se është bashkuar me Polymarket në prill të këtij viti, dhe llogaria e tij është e lidhur me një llogari X pa postime.