zharez

Dje u bë publik lajmi se qeveria shqiptare ka vendosur të pezullojë punimet e kompanisë bankers Petroleum në Zharrëz dhe aplikimin e teknologjisë së injektimit të ujit në gëlqeror. Teknologji që mendohet se provokon lëkundjet që kanë shkaktuar dëme në komunitet.

Protestuesit e Zharrëzës që kanë mbërritur të shtunën në Tiranë përpara Ministrisë së Energjisë, nuk janë larguar nga këto ambjente edhe pas negociatave me qeverinë. Prania e tyre para ministrisë tregon se ata ende nuk besojnë në atë çka u është premtuar nga qeveria dhe janë në pritje të një dokumenti të shkruar për zgjidhjen e problemit të tyre.