Ukraine

Një intervistë e ish-shefit të shërbimeve sekrete britanike John Scarlett u qarkullua dy ditë më parë online në një faqe që kishte url dhe pamjet grafike identike me gazetën “The Guardian”. E përgatitur me kujdes, intervista synonte të kontrabandonte te lexuesi perëndimor një narrativë ruse për ngjarjet e Gjeorgjisë dhe Ukrainës, duke ia faturuar ato ish-shefit të shërbimit britanik. Zbulimin e këtij lajmi të rremë e ka bërë Peter Pomerantzev, por atë e ka sjellë në vëmendje Anne Applebaum.

Në vitin 2015 hakerat arritën të depërtojnë në rrjetin kompjuterik të firmave rajonale të energjetikës në Ukrainë, duke marrë nën kontroll atë dhe duke lënë pa energji 250 mijë njerëz. Momenti i ndërhyrjes u filmua mbi PC nga një prej inxhinierëve, të cilët dy ditë para Krishtlindjeve të atij viti u gjendën në një sitiuatë ku nuk mund të kontrollonin apo aksesonin PC-të e tyre.

Kursorët lëviznin vetë për të dhënë provën sesi hakerat vepronin mbi softin duke ndërprerë energjinë. Më poshtë video e realizuar me iPhone e një prej inxhinierëve dhe publikuar nga “Wired”.

Më në fund të gjitha produktet shqiptare me origjinë shtazore, si mish, qumësht dhe nënproduktet e tyre mund të eksportohen në një vend të huaj. Konkretisht një treg i madh si Ukraina, i hap dritën jeshile importeve të produkteve të  mishit dhe bulmetit.Përmes një letre dërguar Qendër së Eksporteve Shqiptare, Boris Kobal drejtor i Shërbimit Shtetëror  të Sigurisë Ushqimore dhe Mbrojtjes së Konsumatorit në Ukrainë, njoftoi se Shqipëria tashmë mund të eksportojë produktet e saj blegtorale në këtë vend.

Ish-Presidentit i Ukrainës, Viktor Janukoviç, deklaroi se gabimi i tij i vetëm ishte që nuk nxorri ushtrinë për të shtypur revoltën pro-europiane në vitin 2014. Ish-presidenti ukrainas tha se kjo do të ishte mënyra e vetme për t’u rezistuar rebelëve, duke pranuar se përplasja e armatosur mund të provokonte një gjakderdhje.

Një mercenar rus, Arseniy Pavlov, i njohur me nofkën “Motorola” është vrarë dje në Donetsk të Ukrainës. Kreu i separatistëve ukrainas, Denis Pushilin e cilësoi vrasjen nga shpërthimi si një akt terrorist dhe akuzoi për të forcat ukrainase. Tragjikomedia e këtij akti vijon kur kreu i republikës së vetëshpallur në Ukrainë, Alexander Zakharchenko, e cilësoi vrasjen e një mercenari si akt lufte nga Kievi.

Një shtetas francez mbahet i ndaluar në kufirin mes Polonisë dhe Ukrainës, pai u  kap me një sasi të madhe të lëndëve plasëse, granatë-hedhësve dhe kallashnikovëve. Sipas informacioneve të transmetuara paraprakisht nga kanali televiziv M6, ai kishte në posedim të paktën 100 kilogramë eksploziv. Lajmi konfirmohet nga RIA Novosti nëpërmjet shërbimit kufitar të Ukrainës.

Kryeministri ukrainas Arseniy Yatsenyuk thuhet se ka dhënë dorëheqjen. Agjencia ruse e lajmeve “Sputnik” citon mediat lokale në Ukrainë, sipas të cilave kryeministri është dorëhequr dhe do ta bëjë aktin zyrtar më 12 prill në Parlament. Po këto media citojnë kryeministrin të jetë shprehur se nëse një qeveri e re nuk krijohet, destabilizimi i Ukrainës është i pashmangshëm. Yatsenyuk ka nënëvizuar se nëse krijohet boshllëk në pushtetin ekzekutiv, luftimet në rajonin e Donbass-it do të rinisin, duke vënë në pikëpyetje funksionimin e të gjitha marrëveshjeve të arritura deri më tani.

Sipas AFP separatistët prorusë konfirmuan sot se kanë nisur tërheqjen e artilerisë së rëndë, tankeve nga vija kufitare si një veprim që synon konsolidimin e marrëveshjes së armëpushimit në Lindjen rebele të Ukrainës, konflikt i cili shkaktoi më shumë se 8 mijë të vdekur në 17 muaj. “Artileria e rëndë po ndërmerr dislokimin drejt një zonë të re zhvendosjeje rreth 15 kilometra larg vijës së frontit”, njoftoi agjencia zyrtare e republikës separatiste të Lougansk-it.

Sipas “The Washington Post”, Ukraina ka thënë se do të ndalojë linjat ajrore ruse të fluturojnë në vend si pjesë e sanksioneve mbi mbështetjen e Moskës për rebelët në lindje. Kievi tha se masat do të hyjnë në fuqi më 25 tetor dhe do të përfshijnë linjat ajrore të mëdha ruse Aeroflot dhe Transaero. Fluturimet ruse tranzit do të ndalohen nëse aeroplanët mbajnë personel ushtarak ose të mallrave me përdorim të dyfishtë. Moska e përshkroi këtë masë si “një akt të çmendur”, duke premtuar përgjigje të fortë.