të dhënat

Shumica e njësive vendore, ministri si ajo e Arsimit, e Jashtme, apo e Drejtësisë, nuk deklarojnë punonjësit e tyre në sistemin e sigurimeve shoqërore. Të paktën këtë shkruan sot gazeta “shqiptarja.com” sipas të cilës Kontrolli i Lartë i Shtetit, ka gjetur se rreth 55% e punonjësve të këtyre institucioneve shtetërore nuk janë deklaruar në sistem.

Privatësia po pëson erozionin më të madh, ndonëse, apo pikërisht pse jetojmë në kohën e lirisë së informacionit. Një rregullore e re e publikuar në Regjistrin Federal të SHBA, parashikon se Departamenti i Sigurisë së Brendshme, ka të drejtë të mbledhë të dhënat e hedhur në mediat sociale për/nga emigrantët, qoftë atë me leje të përhershme, qoftë ata të natyralizuar.

Një nga faqet më të njohura online të industrisë pornografike, Pornhub, raporton për vizita në faqe nga Korea e Veriut.  Në një shkrim të vetin të para një muaji, faqja në fjalë, e cila vizitohet nga 80 milionë vizitorë në ditë, shkruan se nga Korea e Veriut, Google Analitycs jep të dhëna për disa mijëra vizita në ditë. Nacionalitetet më të kërkuara nga vizitorët e Koresë së Veriut, një vend që e ka të ndaluar pornografinë e çdo lloji, janë kategori si: kineze, mongole, japoneze, koreane, suedeze dhe indoneziane. Sa për kategoritë ato janë: japoneze, aziatike, Big Tits dhe Cartoon.

Vendimet e Bashkimit Europian për të hapur bazat e të dhënve dhe disponimin e tyre për operim nga aktorë jashtë nacionale në emër të luftës kundër terrorizmit bie ndesh me të drejtat themelore të njeriut. Kreu I Agjencisë për të Drejtat Themelore në BE, Michael O’Flaherty deklaroi dje se hapja e bazës së të dhënave u jep mundësi disa subjekteve që të marrin në zotërim të dhëna personale përmes mënyrave joligjore.

Këshilli për Marrëdhëniet Amerikano-Islamike ka depozituar së fundmi ankesa ndaj doganës në SHBA pas disa rateve kur nëpunës të kësaj të fundit kanë kërkuar të dhëna që lidhen me profile në mediat sociale të qytetarëve amerikanë të besimit mysliman të cilët kthehen nga jashtë. Njësia e Doganës dhe Mbrojtjes së Kufijve ka shpallur kërkesat për të dhënat në fjalë përfshirë fjalëkalime celularësh dhe leximin e aplikacioneve që lidhen me mediat sociale të personave që hyjnë në SHBA.

Kartat e identitetit nuk kanë të dhënat e qytetarëve në chipat e tyre. Lajmi bëhet i ditur nga Top – Channel që referon një raport konfidenical të Komtrollit të Lartë të Shtetit.

“Një raport konfidencial i Kontrollit të Lartë të Shtetit ka gjetur se kartat e identitetit të prodhuara nga kompania koncesionare Aleat nuk përmbajnë të dhënat e nevojshme për të identifikuar votuesit në mënyrë elektronike”, raporton Top –Channel.

Raporti është hartuar nisur nga shqetësimet e ngritura për dështimin e projektit për votim elektronik në dy zonat pilot Tiranë dhe Fier.

Dhe ja që ndodhi: gati dy ditë pa internet, pa televizor, pa chat-e, biseda në internet me shokë dhe të njohur. Për gati 900.000 klientë të Telekomit kjo që ndodhi qe një katastrofë e llojit të mesëm, që një sulm piratësh të internetit, haker-ësh sulmoi masivisht router të sipërmarrjes, duke shkaktuar ndërprerjen e të gjitha lidhjeve të internetit.

Sa më i digjitalizuar, aq më i sulmueshëm

Të dhëant e 500 milionë përdoruesve të regjistruar në Yahoo janë vjedhur. Informacione personale, emra, e-maile, numra telefoni, datëlindje, fjalëkalime  si dhe pyetje e përgjigje të pakoduara u hakeruan nga hakera të cilët kompania i cilëson si “të sponsorizuar nga një shtet”. Sulmi ndodhi në vitin 2014 dhe ai po hetohet nga Byroja Federale e Hetimit në Shtetet e Bashkuara të Amerikës.

Sipas raportit të Guardia di Finanza-s për vitin 2015 (botuar në gazetën italiane Corriere della Sera), në Shqipëri u mbollën vjet 243 mijë bimë kanabis sativa – një trefishim ky në dy vjet (shih grafikun shoqërues të Guardia di Finanza-s). Në vitin 2013, mbi 90% e bimëve të kanabisit ishin përqendruar në Lazarat. Ndërsa në vitin 2015 ishin shpërndarë në vende të tjera.

Qeverisë i ka mbetur në dorë ligji për Masat Shtesë të Sigurisë, ose njohur ndryshe si ligji i kamerave. Por ai është bllokuar nga opozita dhe LSI-ja për arsye që nuk lidhen me shqetësimin real për potencialin e shkeljes së privatësisë përmes këtij ligji. Dy ekspertë të çështjeve të sigurisë dhe të policisë, Arjan Dyrmishi dhe Arjan Hoxha, nënvizojnë në një dalje për "Tv Tema" ngarkesat që sjell ky ligj në formën ekzistuese, por edhe rreziqet e tij. P.sh nuk sqarohet administrimi i të dhënave, serveri që shërben rrjetin e kamerave si dhe aksesin në të.