rusia
Nuk mund të izolohet Rusia. Sanksionet, kërcënim për mbarë botën
Presidenti rus Vladimir Putin ka deklaruar gjatë sesionit plenar të Forumit Ekonomik të Lindjes në Vladivostok se pas sanksioneve të vëna së fundmi ndaj Rusisë, qëndron në thelb humbja e dominimit nga ShBA.
Katalizë e këtyre sanksioneve ishte rënia e dominimit të ShBA në ekonominë globale dhe politikën, si dhe padëshira kokforte dhe madje paaftësia e elitave perëndimore për të parë dhe pranuar faktet objektive
ka thënë Putin.
Administrata Biden kundër shpalljes së Rusisë si shtet sponsorizues i terrorizmit
Kremlini ka përshëndetur së fundmi qëndrimin e presidentit amerikan Joe Biden, i cili ka deklaruar se është kundër deklarimit të Rusisë si vend sponsorizues i terrorizmit.
Zëdhënësi Dmitry Peskov deklaroi se kjo është një gjë pozitive, pasi sipas tij, “vetë formulimi i një çështjeje të tillë është monstruoze”.
Peskov po ashtu ka bërë një lidhje mes deklarimeve të Biden dhe misionit ndërkombëtar në Zaporozhie, impiantin bërthamor që ndodhet në Ukrainë.
Me presionet që i janë bërë Serbisë mund të shkruaja një libër më të trashë se "Kapitali" i Marksit
Presidenti serb Aleksander Vuçiç ka deklaruar se vendi i tij nuk ka ndërmend t’i bashkohet sanksioneve kundër Rusisë.
Ne e kemi shprehur pozicionin tonë thuajse 190 ditë më parë përmes një vendimi të Këshillit të Sigurisë. Këto vendime kanë qenë në fuqi për gjastë muaj dhe Serbia ka dëshmuar seriozitet. Nuk ke sesi ta dish se çfarë do të ndodhë një ditë por ne po tregojmë seriozitetin tonë. Kjo është politika jonë dhe tani nuk po mendojmë ta ndryshojmë atë. Mendoj se politikat tona janë dëshmuar se kanë qenë të mençura pavarësisht të gjitha vështirësive
Ushtria kineze njofton pjesëmarrjen në stërvitjen Vostok-22 të ushtrisë ruse
Ushtria kineze ka njoftuar pjesëmarrjen në stërvitjen “Vostok-22” të organizuar nga Ministria ruse e Mbrojtjes më datat 30 gusht-05 shtator. Stërvitja parashikon të angazhojë komandat strategjike dhe personelin dhe sipas palës kineze pjesëmarrja në të nuk ka lidhje në asnjë mënyrë me situatën aktuale ndërkombëtare apo atë rajonale.
Gjermania kundër ndalimit të vizave turistike për qytetarët rusë
Gjermania ka refuzuar idenë e pezullimit të vizave turistike për qytetarët rusë.
Duhet mbajtur parasysh se shumë refugjatë që kanë ikur nga Rusia nuk janë dakord me regjimin rus
është shprehur kancelari gjerman Olaf Scholz në samitin e Oslos.
Moska: Ngrirja e aseteve tona i jep fund marrëdhënieve dypalëshe me SHBA
Nëse SHBA do të ngrijë asetet e Rusisë, kundërveprimi do të jetë shkatërrimtar. Sipas agjencisë ruse të lajmeve “Tass”, një akt i tillë do të çonte në prishje tërësore të marrëdhënieve dypalëshe duke futur rendin ndërkombëtar në një krizë të thellë, atë të komunikimit.
Ne i paralajmërojmë amerikanët për pasojat shkatërrimtare të akteve të tilla të cilat do të dëmtojnë në mënyrë të përhershme marrëdhëniet dypalëshe, çka nuk është as në interesin tonë dhe as në të tyrin
Parlamenti letonez deklaron Rusinë si shtet që sponsorizon terrorizmin
Parlamenti letonez ka miratuar një rezolutë përmes së cilës e ka shpallur Rusinë si shtet që sponsorizon terrorizmin. Sipas dokumentit të miratuar në datën 11 gusht, parlamenti i cilëson aktet e ushtrisë ruse në Ukrainë si terrorizëm, ndërkohë që ka bërë thirrje për të gjitha vendet e BE-së që të ndalojnë lëshimin e vizave turistike për shtetasit rusë dhe bjellorusë.
Nuk duam luftë me Rusinë
Sekretari amerikan i Mbrojtjes, Lloyd Austin ka deklaruar gjatë një konference për shtyp në Riga, ku u takua me homologun e tij letonez, Artis Pabriks se SHBA nuk po kërkon luftë me Rusinë.
Të jem i qartë: ne nuk kërkojmë konfrontim me Rusinë dhe nuk përbëjmë një kërcënim ndaj saj
Një Poloni e fortë dhe e pavarur nuk përkon me planet gjermano-ruse për sundimin e Europës
Lideri de facto polak, Jarosław Kaczyński ka dalë me qëndrime kundër Bashkimit Europian duke njoftuar se Polonia nuk do të bëjë më lëshime as në këmbim të 35 miliardë euro grante.
Kemi treguar maksimumin e vullnetit të mirë, por koncesionet nuk ka sjellë gjë. Qëkurse KE-ja nuk po përmbush detyrimet ndaj Polonisë në këtë zonë, ne nuk kemi arsye të përmbushim detyrimet ndaj BE-së
ka thënë ai.
Mali i Zi nis bllokimin e pasurive të patundshme të shtetasve rusë
Mali i Zi ka nisur të ngrijë pasuritë e patundshme të shtetasve rusë në territorin e vet, një lëvizje që shpreh ashpërsimin e linjës anti-ruse në vendet me shumicë sllave në Ballkan. Ministri i Brendshëm Filip Adzic ka njoftuar se bëhet fjalë për 44 objekte që do të bllokohen si pjesë e solidarizimit me sanksionet kundër Rusisë për shkak të luftës në Ukrainë.
Vlerësohet se shtetasit rusë kanë investuar më shumë se 129 milionë euro, nga të cilat 49.46 milionë euro në sektorin e pasurive të patundshme.