rama

Kryeministri Rama zbuloi detaje të negociatave për takimin  e dështuar mes tij dhe kryetarit të Partisë Demokratike, Lulzim Basha. I ftuar në emisionin “5 Pyetje nga Babaramo” kryeministri ndonëse nuk bëri publike detaje të negociatave la të kuptohet se gjithçka u la pezull kur ishin përcaktuar modalitetet për formatin, orën dhe axhendën e bisedimeve.

Disa media raportojnë se neës Ilir Meta dhe Lëvizja Socialiste për Integrim pritet të tërheqë nesër ministrat nga qeveria. Ky është një hap që ezuaron presionin politik të mundshëm të LSI-së e cila u kujtua të bënte opoizitë me qeverinë ku aderon vetëm katër vite pas ndenji në pushtet. Në çdo rast, akti nëse bëhet realitet, e natyralizon skenën politike, në përshtatje me kërkesat politike që artikulon secila forcë. Sa për LSI-në kjo e fundit ka bërë të qartë vetëm një gjë: Edi Rama nuk mund të jetë më kryeministër.

Dje Petrit Vasili, alter egoja e Ilir Metës, deklaroi se qeveria dhe Edi Rama në krye të saj po ecin drejt autokracisë dhe diktaturës. Vasili është ministër i qeverisë, ndërkohë që grupi parlamentar i LSI-së votoi njësoj si PS-ja në seancën e fundit të parlamentit. Mund të vazhdohet pa ndalur të bëhet pyetja të cilës LSI-ja nuk i përgjigjet: Pse qëndron në këtë rrugë Ilir Meta? Pse nuk i shërben ai Shqipërisë duke u larguar dhe duke imponuar zgjidhjen politike demokratike? Dhe më tej: si ka mundësi që ai sërish ofrohet për aleancë me Ramën, ndonëse vendos ca kushte? 

Në intervistën e djeshme në News24 për Ylli Rakipin, kryeministri Edi Rama ka zbuluar edhe psenë e ndryshimit të subjektit ndërtues të Rrugës së Arbrit. Gjatë debatit me gazetarin, Rama tha ndër të tjera se “Ne me Kinën kemi negociuar për Rrugën e Arbrit dhe e kemi refuzuar se ishte shumë e shtrenjtë oferta”. Për negociimin me kinezët, u miratua edhe një ligj për procedurë të veçantë, ndërkohë që për publikun nuk u zbardh asnjëherë se cilat ishin termat e ofertës kineze. Më pas qeveria ia kaloi ndërtimin e rrugës një kompanie shqiptare.

Lëvizja pështjelluese e Ilir Metës mund të ketë zënë në befasi vetëm socialistët e Edi Ramës që tani po dalin solidarë të shefit të tyre. Por aty nuk ka asnjë gjë të re krahasuar me aktet politike, as mish as peshk të LSI-së. Kjo sjellje është e kuptueshme nëse vë në punë logjikën e një force si LSI-ja që percepton se mund të rritet vetëm duke dhënë garanci se do të jetë vazhdimisht në pushtet.

Heshtja disaorëshe e kryeministrit pas qëndrimeve të Ilir Metës për krijimin e një qeverie të besimit që do të ketë edhe pëlqimin e opozitës, u thye nga kryeministri me një shënim në Facebook. Pa shumë komente rreth LSI-së, kreu i qeverisë e përqëndroi sërish analizën tek PD, kur në fakt presionin më të madh e ka nga partneri i tij, të cilin vazhdon ta quajë bashkëkryetar të koalicionit. Një premisë që shkon përtej këtij mandati dhe që i jep mundësi kryeministrit të shpresojë në një reflektim të Ilir Metës për të mos u shkëputur nga "torta" e koalicionit.

Një darkë pas së cilës u fokusua vëmendja e të gjitha mediave, duket se ka qenë kurorëzimi i një marrëveshje të re politike mes Edi Ramës dhe Ilir Metës për të qeverisur Shqipërinë edhe në 4 vitet e ardhshme. Mund të ishte firmosur pa zhurmë dhe show, por mesa duket dy krerët e koalicionit ishin kujdesur edhe për simbolikën e takimit që u mbajt për më shumë se 4 orë në një restorant peshku në zonën e Pazarit të Ri. Të paktën kështu raportojnë mediat informative Ora News dhe News 24 që i referohen burimeve nga takimi, për të cilin vetë protagonistët nuk folën.

Me një orë vonesë në komunikimin e fundjavës kryeministri nuk lëvizi nga pozicioni i tij për t’u futur në zgjedhje edhe pa opozitën. Ai theksoi se qeveria nuk ka ndërmarrë asnjë masë që pengon ushtrimin e rolit të opozitës në jetën demokratike të vendit dhe se deri më tani nuk është ndërmarrë asnjë hap për ndryshime në Kodin Zgjedhor pa Partinë Demokratike. Bashkë me mesazhin se nuk ka ndërmend të tërhiqet, Rama bëri një prognozë edhe për partinë ku ka milituar edhe vetë për disa orë në fillim të viteve 90.

Kryeministri i vendit i shndërruar në superstarin e studiove televizive brenda dhe jashte vendit ka shpjeguar në Asamblenë e Partisë Socialiste rëndësinë që ka LSI për atë personalisht dhe Partinë që drejton. Rezymeja është se partia e Ilir Metës pavarësisht se çfarë thotë, i ka shërbyer reformave që kanë çuar Shqipërinë përpara, ndaj dhe sipas Ramës koalicioni PS-LSI duhet të vazhdojë. 

Edi Rama mohoi që të ketë përplasje me LSI-në për Bashkinë e Kavajës, duke i quajtur me tepër çështje mediatike, sesa një çarje që preokupon vërtet dy partitë në pushtet. Në një intervistë për emisionin "Opinion" ai tha se procesi i përzgjedhjes së kandidaturave është ende në fazën e propozimeve dhe se vendimi për këtë çështje do të merret në ditët në vijim. 18 qershori sipas kryeministrit është një datë e panegociueshme dhe përë këtë arsye mazhoranca do të shfrytëzojë kohën e mbetur për të bërë ndryshimet e nevojshme në Kodin Zgjedhor.