largimi

Ajo që pritej në Itali ndodhi. Matteo Renzi bëri atë që di të bëjë më mirë: goditjen pas shpine. 

Me një njoftim në Facebook, ish-kryeministri i Italisë ka njoftuar largimin nga Partia Demokratike dhe bashkë me të thuhet se janë edhe 18-20 deputetë nga 111 që ka LPD-ja dhe 20 senatorë.

Opozita parlamentare deklaroi se do të kushtëzojë mbështetjen e çdo nisme të Kuvendit, me miratimin e reformës zgjedhore sipas kërkesës që kanë bërë Shtetet e Bashkuara dhe Bashkimi Europian.

Deputeti Ralf Gjoni kërkoi largimin e Damian Gjiknurit si bashkëkryetar i reformës zgjedhore dhe Ulsi Manjës nga Komisioni i Ligjeve derisa gjykata të hetojë përgjimet për ndikimin e tyre në proceset zgjedhore.

Banka më e madhe në Itali dhe një prej grupeve më të mëdha financiare europiane ka vendosur të braktisë rrjetet sociale.  UniCredit është larguar nga Facebook dhe aplikacionet Messenger dhe Instagram, por nuk e ka marrë këtë vendim për rrjetet e tjera. Në epokën e dixhitalizimit edhe të sistemit bankar, ky mund të mos duket si vendimi i duhur. Megjithatë është e qartë që ka të bëjë me mungesën e besimit.

Valdin Pjetri, Kryeregjistrues i Republikës është larguar sot nga detyra. Lajmi nuk konfirmohet ende zyrtarisht, por burime pranë Kryeministrisë i thanë ResPublica se Pjetri mendohet të emërohet Prefekt në Shkodër.

Ndërkohë sipas të njëjtave burime thuhet se është larguar nga detyra edhe drejtuesi i Zyrës së Regjistrimit të Pasurive të Paluajtshme në Tiranë.

Në listën e ministrave që Edi Rama ka larguar sot ka rënë në sy ministri i Jashtëm Ditmir Bushati. I papërfolur për ndonjë skandal financiar sikundër Gjiknuri dhe Ahmetaj, apo pa krizat e Lindita Nikollës me studentët, Bushati ka patur një drejtim objektiv dhe me disa arritje. Në parantezë po themi se ministri i Jashtëm nuk arriti të krijonte autonominë e një figure që ka autoritetin e vet të padiskutueshëm për çështjet e politikës së jashtme, por megjithatë ai nuk hyn te servilët e Edi Ramës apo te ministrat që riprodhojnë gjuhësisht kryeministrin.

80 përqind e punonjësve të policisë që janë nën moshën 40 vjeç kërkojnë të largohen drejt Shteteve të Bashkuara të Amerikës. Të gjithë kanë aplikuar për llotarinë amerikane.

Të dhënat vijnë nga sindikata e punonjësve të policisë, e cila i ka përfshirë ato në një letër drejtuar kryeministrit.

 “Punonjësit e policisë që janë nën 40-vjeç kanë aplikuar për llotarinë amerikane dhe njëkohësisht po presin që në janar të 2019 të largohen jashtë Shqipërisë për një jetë më të mirë”-thuhet në letrën e Sindiktatës të publikuar nga Tv Klan.

Largimi i Fatmir Xhafës nuk ka qenë kërkesë e ndërkombëtarëve, por hall i brendshëm i tij dhe i qeverisë. Ikja pa një motiv, por me argumentin se përmbushi objektivat ishte një sqarim i sforcuar që në radhë të parë tradhëtohej nga vetë fytyra e Xhafës.

Ambasadori i Bashkimit Europian Luigi Soreca konfirmoi në një intervistë për "Opinion" se as përfaqësia e Brukselit në Tiranë nuk ka qenë në dijeni për arsyet e largimit të ish-ministrit të Brendshëm në kulmin e suksesit të tij.

Fatmir Xhafa e mbylli si burokrat shembullor detyrën si përfaqësuesit i popullit në qeveri. Ai tha në një fjalim lamtumire me stafin se nuk do pranojë më asnjë përgjegjësi ekzekutive, pra asnjë portofol ministror, por do të mbetet një ushtar besnik i “Perandorisë” për t’i shërbyer siç tha reformës në drejtësi.

Afera “Babale” çoi në largimin e ministrit të Brendshëm, Fatmir Xhafaj. Duket se qeveria shqiptare, më saktë kryeministri Edi Rama ka pranuar të sqarojë diçka për ikjen e ministrit nga detyra, ikje që mbeti enigmë në arsyet e veta. I ftuar në emisionin “Open”, gazetari Baton Haxhiu, i afërt me z. Rama, në mos këshilltar i tij, ka deklaruar se Xhafa iku në respekt të opinionit publik.

Kryeministri akuzon sot mediat se po shkruajnë se Avokatja e Shtetit, Alma Hicka është shkarkuar. Me fjalorin e tij të zakonshëm përmes të cilit zbulon veten në përpjekje për të mbuluar hallet e veta, Edi Rama shkruan se Hicka iku vetë.

Me këtë rast, si avokat i korrektesës dhe i transparencës, kryeministri ka detyrimin të sqarojë për të gjithë: pse Iku, dha dorëheqjen, e hoqën, apo të gjitha bashkë ministri i Brendshëm Fatmir Xhafaj?