laguna e nartes

Në datën 26 tetor, qeveria ka vendosur, me propozim të ministrit të Turizmit dhe Mjedisit ndryshimin e statusit dhe sipërfaqes së ekosistemit natyror/ligatinor “Pishë Poro – Nartë” nga “Rezervat natyror I menaxhuar” në “Peizazh I Mbrojtur”. I njëjti vendim I heq sipërfaqes së pakësuar statusin e “Zonës së mbrojtur”.

Sipërfaqja e ekosistemit me statusin në fuqi ishte 21 238 hektarë dhe bëhet 16 124.61 hektarë, pra me një diferencë rreth 5.551 hektarë.

Laguna e Nartës duket se nuk do të gëzojë më statusin e një vendi në paqe me natyrën dhe që zhvillon traditat e vjetra si peshkimi. Kjo pasi Agjencia Kombëtare e Mjedisit ka dhënë 3 muajt e fundit 3 leje mjedisore për 3 operatorë të ndryshëm për të ngritur në këtë zonë impiante të depozitimit të karburanteve.