irak

Autoritetet irakiane janë duke u përgatitur për të shpallur një tjetër fitore të madhe. Suksesin e operacionit për rimarrjen e Mosulit, qyteti i dytë më i madh të vendit, i cili ka qenë nën kontrollin e xhihadistëve të Shtetit Islamik. Duke folur për AFP, gjenerali amerikan Robert Softz tha nga Bagdadi se: "Njoftimi është i pashmangshëm. Nuk mund të them nëse do të jetë sot ose nesër, por unë mendoj se do të jetë shumë shpejt." Sipas gjeneralit, xhihadistët janë duke luftuar deri në vdekje në një  perimetër të vogël në zemër të qytetit të vjetër, në afërsi të lumit Tigër.

Duket se drejtimi fetar dhe politik i Shtetit Islamik po njeh rënien drastike në terren. Të paktën këtë raporton agjencia ruse “Sputnik”, e cila referon një burim mediatik irakne, rrjetin “Alsumaria”, sipas të cilit lideri i ISIS, Abu Bakr al-Baghdadi, ka mbajtur një fjalim që cilësohet si fjalim lamtumire. 

“Al – Baghdadi ka pranuar se organizimi i ISIS ka pësuar humbje në përplajest e fundit në Irak”, shkruan “Sputnik”. Ai madje thuhet se ka bërë thirrje që militantët të strehohen maleve.

Falluxha është sërish në duart e Bagdadit zyrtar. Dy vjet pasi Shteti Islamik mori qytetin 30 km në perëndim të kryeqytetit iraken, forca të ushtrisë, rezervistë fise të ndryshme udhëhequr nga SHBA kanë mësyrë sërish për ta rimarrë Falluxhën. Një qytet me 50 mijë banorë nga të cilët 40 mijë kanë ikur. Dhe ikja është esenca e kësaj lufte të fundit në Lindjen e Mesme, një ikje masive dhe e pandërprerë. Fotot janë sjellë nga “The Atlantic” dhe dëshmojnë betejën në një front që po shteron shumë energji dhe po konsumon shumë jetë njerëzish. 

Situata në Irak është përkeqësuar ndjeshëm ditën e sotme, teksa aktivistë myslimanë shiitë kanë hyrë në parlament dhe kanë kërkuar ndryshimin e qeverisë. Protestuesit janë mbështetës të klerikut Moqtada Sadr të cilët ia dolën të çajnë barrikdata në atë që njihet si Zona e Gjelbër. Qeveria ka deklaruar gjendjen e Jashtëzakonshme në Bagdad, ndërkohë që vetë Sadr ka bërë të qartë se kërkon një ndryshimi qeverie me kryeministirn aktual Haider al-Abadi dhe ministra teknokratë. Këto kërkesa nuk janë marrë parasysh nga partitë parlamentare.

Sari Falah al Asari quhet adoleshenti që shpërtheu veten në erë në një stadium në Irak duke shkaktuar vdekjen e 65 personave dhe plagosjen e 60 të tjerëve. Akti terrorist vjen vetëm pak ditë pas shpërthimeve në Bruksel dhe është marrë përsipër nga Shteti Islamik. Adoleshenti hodhi veten në erë në momentin që lojtarët e dy skuadrave dhe kryebashkiaku i qytezës po përgatitesh për ceremoninë e fitimit të Kupës. Mes viktimave është dhe kryebashkiaku i qytetit.

Diga e Mosulit, qyteti që është pika e fortë e ISIS, rrezikon jetën 1.5 milionë irakenëve. “NBC NEËS” citon ambasadën amerikane në Baghdad sipas të cilës kolapsi i digës do të sillte pasoja të paprecedenta; 500 000-1.47 milionë irakenë nuk do të mbijetonin dot nga vala e ujit që nëse ndodh do të arrinte në nivelin 15 m në Mosul. Qytete të tjera si Tikriti, Samarra apo Baghdadi do të përfshiheshin nga vala e ujit ndonëse me pasoja më të vogla.

Pasi forcat irakene morën sërish në kontroll Tikritin, me qindra trupa shitësh u zhvarrosën. Të ekzekutuar nga ISIS në kampin “Speicher”, ata janë dëshmia e një lufte fetare që formalisht vuri përballë shitët me sunitë

Një video e publikuar nga Ministria ruse e Mbrojtjes tregon sulmin ajror mbi një konvoj të ISIS, përbërë prej 500 kamionash me naftë që do kalonin nga Siria në Irak. Siç mund të shihet ISIS provon kështu kapacitete logjistike të mëdha, pavarësisht goditjeve ushtarake që kanë nisur prej disa kohësh.

Ajo që mediat perëndimore e kanë thënë prej kohësh u pranu më në fund puboikisht nga një prej protagonistëve të luftës në Irak. Ish-kryeministri britanik, Tony BlAir, ka kërkuar falje gjatë një interviste për CNN, duke pranuar se angazhimit ushtarak në Irak në vitin 2003 i ka munguar tërësisht vlerësimi strategjik. “Unë kërkoj falje për faktin se të dhënat e shërbimeve sekrete që morëm ishin të gabuara. Unë gjithashtu kërkoj falje për disa nga gabimet në planifikim dhe sigurisht, gabimi ynë në të kuptuarit e asaj që do të pasonte nëse ne rrëzonim regjimin e Sadam Huseinit”, tha Blair.

Agjencia shtetërore ruse e lajmeve “Sputnik” shkruan se kalifi që drejtoj Shtetin Islamik, Abu Bakr al-Baghdadi është plagosur gjatë sulmit të fundit ajror. Dy ditë më parë u njoftua se një konvoj i ISIS ku ndodhej edhe ai u godit dhe dyshohej se mes viktimave mund të ishte edhe Al-Baghdadi. Por sot burime në terren flasin se ai është plagosur dhe ndodhet në spital në Al-Qaim, në veriperëndim të Irakut, i cili ruhet nga trupat e ISIS.