Muzika xhaz në Shqipëri, Markelian Kapidani sjell të parin botim për muzikantët

Muzika xhaz në Shqipëri është një prej atyre zhanreve  që nuk ka një traditë të vetën, por megjithatë duket se muzikanti Markelian Kapidani ka nisur të hedhë shtratin për këtë lloj muzike, tashmë edhe në rrafshin teorik.

Nga Zvicra në Tiranë, ai solli këto ditë për të gjithë të interesuarit e fushës së muzikës botimin e tij  “Shënime për muzikantin”. Në një bisedë për “TemA TV”, kompozitori rrëfen për librin e tij, problemet e muzikës sot në Shqipëri, duke u ndalur më konkretisht te muzika xhaz dhe në mënyrën se si muzika përcillet dhe shkon tek studentët e rinj dhe çfarë duhet të ndryshojë në këtë drejtim.