Arkiv-Lajme të përditësuara

Ndotja e ajrit në Tiranë konsiderohet një kërcënim për jetën e banorëve nga specialistët e Shëndetit Publik. Shkaktari kryesor i këtij niveli ndotjeje veç çlirimit të gazrave nga automjetet janë edhe punimet që po bëhen në qendër në sheshin "Skënderbej".

Në fund të takimit të tij, Eurogroupi arriti në përfundimin se nuk mund të jetë i përgatitur deri në 13 tetor në lidhje me raportin e Trojkës për masat greke. Për këtë arsye mbledhja për vendimin mbi pagesës së këstit të gjashtë të kredisë në Greqi, është shtyrë deri në muajin nëntor.
Eurogrupi i cili u takua për shtatë orë dje në Luksemburg me pjesëmarrjen e palës greke përshëndeti "hapat shumë të rëndësishëm" të marra nga qeveria greke, duke theksuar se nëse ato zbatohen, do të rezultojnë në arritjen e objektivave të vendosura për vitin 2011 dhe 2012.

Pas dorëheqjes nga posti për shkak të kandidimit si President i Kosovës, dhe pas rrëzimit të tij si President nga Gjykata Kushtetuese pak javë pas zgjedhjes, Behgjet Pacolli rikthehet në krye të partisë Aleanca Kosova e Re, të cilën ai vetë e themeloi.
Ishte Këshilli Drejtues i AKR-së që vendosi në orët e mbrëmjes së të hënës të shfuqizojë vendimin e 26 shtatorit për emërimin e Rrahim Pacollit në postin e kreut të AKR-së dhe të rikthejë në këtë post, liderin e saj, Behgjet Pacolli.

Këtë fillim jave kryesocialisti Edi Rama ka hedhur një hap të ri. Nga editoriali i së shtunës, këtë të hënë ai ka ftuar " me zë dhe figurë" rivalin e tij politik Sali Berisha për një debat publik për paktin e propozuar nga të majtët. Madje sot, kryeocialisti ka hedhur edhe idenë e një tryeze civile.
Gjatë një fjalimi përpara deputetëve të grupit kuvendor socialist Rama u ndal në interpelancën e së enjtes, që kryeministri Berisha pati me deputetin socialist Erion Braçe.

Kreu i shtetit Bamir Topi i ka kërkuar klasës politike shqiptare të lërë mënjanë mllefet politike, retorikën boshe dhe debatet shterpë dhe të mendojë e të përkushtohet për zhvillimin dhe prosperitetin e vendit, si dhe integrimin dinjitoz e sa më të shpejtë të Shqipërisë në familjen evropiane.

Abetares në gjuhën shqipe, që iu dhurua nxënësve të Luginës së Preshevës nga qeveria shqiptare, me rastin e vitit të ri shkollor, i janë hequr simbolet kombëtare dhe ato shtetërore. Në një faks, të cilin e ka siguruar dje "Gazeta Shqiptare", Ambasadori i Republikës së Shqipërisë i akredituar në Beograd Shpëtim Çaushi, rezulton të ketë dhënë pëlqimin e tij për këtë akt.

Pas shqyrtimit të provave dhe dëgjimit të dëshmive, Gjykata e Tiranës ka thirrur Prokurorinë të prezantojë fjalën e saj të fundit sot për 29 të pandehurit.
Por, prokurorët e cështjes së tragjedisë së Gërdecit i kanë kërkuar sot Gjykatës së Shkallës së Parë të shtyhet me 2 javë dhënia e pretencave për të akuzuarit.
Prokurorët e argumentuan kërkesën e tyre me faktin se cështja është tepër voluminoze dhe po i tillë dhe numri i të pandehurve të kësaj cështje.

I vihet zjarri gjatë natës makinës së drejtorit të Policisë Bashkiake të qytetit të Vlorës.
Ngjarja ka ndodhur rreth orës 01:00 në lagjen "Isa Boletini".
Makina e kreut të policisë bashkiake ka qenë e parkuar pranë banesës së tij, por fatmirësisht nuk ka të lënduar nga djegia e saj.
Djegia e makinës së Veliut mendohet se është kryer për shkak të detyrës.
Kjo ngjarje ne Vlore pason ate te dates 9 shtator, ku ne menyre makabre u ekzekutua me eksploziv gjyqtari Skerdilajd Konomi.

Drejtorja e INSTAT, Ines Nurja deklaron se procesi i regjistrimit të popullsisë ka nisur mirë dhe se shqiptarët  po tregohen të gatshëm për mbarëvajtjen e këtij procesi.

Qyteti i Prishtinës u trondit këtë mëngjes nga vrasja e një zyrtari të komunës në zyrën e tij. Drejtori i Arsimit në komunën e Prishtinës Remzi Salihu u qëllua për vdekje me pesë plumba në kraharor më zyrën, e cila ndodhet në objektin e ri të komunës në lagjen 'Arberia' të kryeqytetit kosovar.

Vrasësi një 50-vjecar nga fshati Dabishevc është dorëzuar vullnetarisht më pas në polici. Sipas dëshmitarëve, vrasësi është një mësues biologjie, i cili kërkonte postin e drejtorit të shkollës në fshatin e tij.