shba

Tashmë është zyrtare. Sekretari i ri i Departamentit amerikan të Shtetit, do të jetë kreu i Exxon, Rex Tillerson. Pas lakimit të disa emrve, që nga Rudy Giuliani, Mitt Romney dhe David Petraues, presidenti I zgjedhur I SHBA-së, Donald Trump, ka zyrtarizuar se kandidati fitues është ai i orës së fundit, Tillerson.

Forcat mbështetëse të presidentit Assad në Siri  janë "momentet e fundit para shpalljes së “fitores" në një nga betejat më të përgjakshme të konfliktit që mban të mbërthyer vendin prej më shumë se 3 vjetësh. Aleppo raportohet që në pjesën më të madhe të ketë kaluar në duart e ushtrisë qeveritare, e ndihmuar edhe nga forcat ruse. Me rënien e Aleppos-s, presidenti Assad efektivisht ka nën kontroll dhe 5 qendra të rëndësishme të Sirisë, si Damssku, Homs, Hamas dhe Latakia.

Ish-Sekretari i Shtetit, Henry Kissinger, deklaroi gjatë një fjale në universitetin e Oslos se paragjykimi mbi Donald Trump dëmton analizën objektive dhe nxit keqkuptimet. Ai ka bërë thirrje që debate të përqendrohet mbi politikat amerikane, e jo mbi retorikën e fushatës elektorale. Duke pranuar se një njeri si Donald Trump nuk ka precedentë në historinë politike moderne amerikane, Kissinger apeloi që “administratës së re i duhet dhënë një shans që të vërë në jetë vizionin e vet".

Shtatëdhjetë e pesë vjet pas sulmit japonez në Pearl Harbor mbetet ende e hapur pyetja (nëse udhëheqja ushtarake dhe politike e Shteteve të Bashkuara të Amerikës u befasua nga pushtimi i avionëve japoneze në bazën detare amerikane të Paqësorit, mëngjesin e të dielës së 8 Dhjetorit  1941.

Donald Trump fitoi. Dhe fitoi zgjedhjet duke patur kundër të gjithë. Një pjesë e establishmentit që mendonte se do ta kalonte lehtë, është zhgënjyer shumë nga populli amerikan, të cilit duket se nuk i thotë dot hapur që “nuk mbush”. Kështu që u gjet teza se zgjedhjet u afektuan nga lajmet false dhe nga propaganda ruse. Por ky establishment ka vesin se nuk zhgënjehet asnjëherë nga vetja, nga dështimi i vet.  

Të martën, Gjykata Supreme e Polonisë la në fuqi një vendim të mëparshëm që ndalonte ekstradimin e regjisorit Roman Polanski në SHBA, duke i dhënë fund  çështjes së shum-diskutuar të  vitit 1977 për marrëdhënie seksuale me një të mitur. Vendimi i Gjykatë Supreme ishte një humbje për  Prokurorin e Përgjithshëm dhe Ministrin e Drejtësisë, Zbignieë Zlobro, i cili donte t’u dorëzonte Polanskin autoriteteve amerikane. "Ne jemi shumë të lumtur që çështja  u mbyll më në fund", tha njëri nga avokatët e Polanskit.

Komiteti për Çështjet e Jashtme në Senatin Amerikan ka miratuar me unanimitet rezolutën për ratifikimin e protokollit të anëtarësimit të Malit të Zi në NATO.

Javën e kaluar disa media në ShBA e ngritën me shqetësim faktin se rezoluta mund të zvarritej deri në ardhjen në Shtëpinë e Bardhë të adminostratës së re të Donald Trump. Sot dokumenti ka kaluar dhe ai po interpretohet si një “përgjigje e qartë ndaj politikës të Rusisë në Europë”.

Joshka Fisher, ish-ministër i Jashtëm i Gjermanisë, shkruante dje një opionin në “Project Syndicate” mbi atë se çfarë mund të sjellë fitorja e Donald Trump në SHBA. Ka ende një muaj e gjysmë kohë deri në marrjen e zyrës nga miliarderi amerikan, por pasiguritë që ka mbjellë ai po drejtojnë analizën e përgjithshme drejt një fryme apokalipsi.

Kërkuesit në Shtetet e Bashkuara të Amerikës kanë rënë në gjurmë të një geni te bakteret e identifikuara në derrat e një ferme i cili i jep rezistencë ndaj efekteve të një klase të tërë antibiotikësh. Geni i quajtur IMP – 27 u zbulua në një fermë, ndërkohë që asnjë prej derrave, të parashikuar për t’u therur nuk u konstatua i sëmurë. Kjo shton dyshimin sesi ka arritur aty ky mutacion, ndërkohë që kërkuesit sugjerojnë se superbakteri i konstatuar përbën kërcënim për njerëzit.

Ambasadë amerikane false në Ghana. Ja një aktivitet për të cilin nuk të shkon mendja, por që është bërë realitet nga rrjetet kriminale turko-ghanese. Në lojë edhe një avokat me seli në Acra. Lajmi është njoftuar nga Departamenti Amerikan i Shtetit pas një hetimi të autoriteteve të Ghanës. Për një dekadë “ambasada” lëshonte viza autentike të marra në mënyë ilegale. Gjoja – ambasada u mbyll këtë verë dhe deri në atë moment ajo ishte vendosur në një godinë dy katëshe, një flamur amerikan që valëvitej dhe në brendi një foto e presidentit Obama.