shba

Ferkimi politik në Amerikë ka zbritur në rrugë. Mediat raportojnë për përplasje mes mbështetësve të presidentit Donald Trump dhe protestuesve të lëvizjes Black Lives Matter në Portland, Oregon. Përleshja nisi teksa një karvan me 600 makina të mbështetësve të Trump u përballën me protestuesit e lëvizjes kundërshtare dhe si pasojë një person ka mbetur i vdekur.

Një tjetër rast riinfektimi me CoVid-19 njoftohet në media. Kësaj radhe bëhet fjalë për nkë 25 vjeçar në Nevada të ShBA i cili ishte konfirmuar pozitiv në muajon prill dhe u riinfektua pasi ishte shëruar herën e parë. 

Sipas raportimeve në media rasti është përfshirë në një studim të paredaktuar dhe duhet pritur një konfirmim zyrtar. 
Herën e dytë 25 vjeçari ka patur simptoma më të rënda, ndërkohë që virusi nga i cili është riinfektuar është pak më i ndryshëm nga ai i prillit. 

Një grua 66 vjeçare nga Kalifornia e SHBA, mund të jetë personi i parë në botë që të jetë shëruar nga HIV pa ndjekur ndonjë kurë apo pa kryer transplant palce. Në një studim që ka marrë në shqyrtim 63 persona që kanë provuar se trupi i tyre e kontrollon virusin pa e lejuar të riprodhohet, rezulton se Loreen Willenberg është shëruar tërësisht. Përveç saj, janë edhe dy persona të tjerë që janë deklaruar të shëruar nga HIV, Adam Castillejo në Londër dhe Timothy Brown nga Palm Cprings. Por të dy iu nënshtruan transplantit të palcës që konsiderohet procedurë shumë e rrezikshme.

Njëherë e një kohë ishte Amerika, tani është Gjermania.

Kështu titullohet një koment i publikuar në versionin anglisht të gazetës konservatore greke “Kathimerini”, që duket se shpreson që kriza në Mesdheun Lindor të katalizojë ndër të tjera një rol të ri për Gjermaninë.

Ish- ministri i Jashtëm gjerman Joschka Fischer publikonte sot një shkrim në “Project Syndicate” nën titullin: Fundi i oportunizmit perëndimor. Shqetësimi i atyre që vetëquhen si

Administrata amerikane për Ushqimin dhe Barnat ka dhënë autorizim për përdorimin e një testi të ri për CoVid-19 zhvilluar nga universiteti i Yale. 

SalivaDirect është një mënyrë testimi përmes pështymës dhe synon të verifikojë sidomos asimptomatikët. Sipas të dhënave të deritanishme, testi i pështymës ka ndjeshmëri të afërt me atë të tamponit që e merr masën për testim nga hunda dhe fyti. 

Një fis në Amerikën e Veriut ka fituar të drejtën e rikthimit të një pjese të territorit 250 vjet pasi ajo u uzurpua nga eksportuesit e qytetërimit. Fisi Esselen, territori origjinal i të cilëve është në malet e Santa Lucias në jug të lumit Suri i Madh në Kaliforni kanë finalizuar këtë javë blerjen e 1200 akrave tokë, afërisht 500 ha.

SHBA do të zhvendosë 12 mijë trupa nga Gjermania drejt Belgjikës dhe Italisë. Mediat amerikane citojnë sekretarin e Mbrojtjes, Mark Esper, sipas të cilit procesi do të zgjasë disa vjet dhe do të kushtojë miliarda dollarë, ndërkohë që mbi këtë temë ka edhe një debat të karakterit politik.

Presidenti amerikan, Donald Trump ka mbrojtur vendimin e vet duke nënvizuar faktin se Gjermania nuk përmbush detyrimin për të paguar 2% të PBB-së për NATO-n, por edhe vendet pritëse, Italia dhe Belgjika nuk e arrijnë këtë kuotë.

Krahas Gjermanisë, Shtetet e Bashkuara të Amerikës kanë vendosur reduktimin e personelit ushtarak edhe në Korenë e Jugut. Gazeta “The Wall Street Journal” raporton se Pentagoni ka paraqitur në Shtëpinë e Bardhë planin e ristrukturimit dhe rivlerësimit të stacionimeveushtarake amerikane në botë, mes të cilave ka rënë në sy Korea e Jugut.

Bota tanimë duket se është ndarë thellësisht për mënyrën sesi duhet menaxhuar epidemia e tanishme. Nga njëra anë janë mjekët dhe politikëbërësit bashkë me ata që i mbijetojnë sëmundjes, nga ana tjetër pjesa më e madhe e njerëzve që nuk arrijnë të kuptojnë përsenë e të gjitha masave, dobinë e tyre dhe të perceptojnë në fund fare rëndësinë e protokolleve. Një valë e madhe mosbesimi duket se karakterizon një marrëdhënie që është qysh tani e vështirë dhe kjo mund të shihet edhe në Shqipëri.