rusia

Shefi ushtrisë norvegjezë, Eirik Kristoffersen, ka deklaruar gjatë një interviste për Tv2 se viktimat ruse në luftën në Ukrainë po i afrohen shifrës 180 000, përfshirë të vrarë dhe të plagosur. 

 Humbjet ukrainase janë ndoshta mbi 100 000, të vdekur apo të plagosur. Ukraina ka rreth 30 000 civilë të vdekur në këtë luftë tmerrshme 

është shprehur gjenerali norvegjez. 

Gjermania është vënë në qendër të një presioni në rritje nga aktorët perëndimorë pasi ka refuzuar deri më tani të furnizojë Ukrainën me tanke të modelit “Leopard”. Një takim i përfaqësuesve të 50 vendeve në bazën e Ramstein në Gjermani nuk ka nxjerrë gjë në dritë dhe nuk ka bindur Berlinin të bëjë një dërgesë që do të thotë deklaratë lufte ndaj Kremlinit.

Shërbimet sekrete ukrainase pretendojnë se Rusia është duke organizuar rekrutimin dhe mobilizimin e 500 mijë trupave të reja ushtarake që sipas tyre nis në mesin e muajit janar.

Një zyrtar i shërbimeve sekrete ushtarake, Andriy Cherniak, deklaroi për “Politico” se mobilizimi do të përfshijë disa qytete të mëdha dhe qendra strategjike industriale.

Në media të ndryshme ka nisur të zërë vend përherë e më shumë një lëvizje e rëndësishme e Turqisë në raport me Sirinë. Presidenti turk, Erdogan, ka propozuar një takim tripalësh mes tij dhe dy presidentëve, atij rus, Putin dhe atij sirian Assad. 

Pyetja që shtrojnë të gjithë është se çfarë kërkon Erdogan? Lëvizja në fjalë pason kërcënimet për ndërhyrje ushtarake dhe vjen në kontekstin e një politike pa mesazhe të ShBA që është investitorja kryesore e kurdëve në rajon.

Anëtarët e Bashkimit Europian nuk kanë arritur të miratojnë paketën e nëntë të sanksioneve kundër Rusisë, gjatë një takimi që është mbajtur në Bruksel. Bllokimi është pranuar edhe nga kreu i Politikës së Jashtme të BE-së, Josep Borrell, sipas të cilit çështjet që shtrohen para Këshillit janë shumë të vështira.

Kemi thënë shumë herë se është Këshilli që vendos dhe 27 ministrat kanë qasje të ndryshme

citohet Borrell.

Avantazhi teknologjik i Perëndimit në Ukrainë, rrezikon të përmbyset për shkak të bashkëpunimit të Rusisë me aktorë të huaj si Irani. Aktualisht, Teherani zyrtar furnizon Moskën me dronë, të cilët kanë mundësuar goditjen në infrastrukturën ukrainase, me më shumë efektivitet sesa armët në dispozicion të Rusisë. Ishin dronët e Turqisë, ata që përballuan mësymjen e mekanizuar ruse dhe në humbje e sipër Moska kërkoi ndihmën e Iranit.

Sekretari i Përgjitshëm i NATO-s, Jens Stoltenberg, ka deklaruar se Rusia do të ulë aktivitetin ushtarak në dimër, për të përshkallëzuar ofensivën ndaj Ukrainës në pranverë. Për këtë arsye ai ka bërë thirrje për ndihmë ushtarake të shtuar për Kievin, ndërkoh që ka nënvizuër se marrëdhënia me Rusinë do të jetë e komplikuar për një kohë të gjatë.

Parlamenti Europian ka miratuar sot një rezolutë përmes së cilës e deklaron Rusinë një shtet sponsorizues të terrorizmit. Dokumenti është përpiluar për shkak të atyre që PE i konsideron si sulme ndaj shënjestrave civile.

Sulmet e qëllimshme dhe mizoritë e kryera nga trupat ruse dhe agjentët e tyre në terren kundër civilëve në Ukrainë, shkatërrimi i infrastrukturës civile dhe dhunime të tjera serioze të ligjit ndërkombëtar dhe njerëzor me akte terrori dhe përbëjnë krime lufte

shprehet Parlamenti.

Bashkimi Europian është duke rishikuar qasjen e vet ndaj Rusisë, duke synuar një politikë izolimi.

Pas tërheqjes së trupave ruse nga Kherson, disa sinjale për paqe kanë nisur të vijnë nga Ukraina dhe aktorë ndërkombëtarë. Presidenti ukrainas, Volodymyr Zelenskiy ka deklaruar gjatë një vizite në qytetin e rimarrë nga forcat ukrainase se:

Ne jemi gati për paqe, paqe për të gjithë vendin tonë

Lidhur me mundësinë e negociatave ka folur edhe ministri i Jashtëm finlandez, Pekka Haavisto, gjatë një vizite në Bruksel.