rusia

SHBA dhe aleatët e saj po kërkojnë të ruajnë pushtetin e tyre duke shpërbërë Rusinë. Sekretari i Këshillit të Sigurimit në Moskë, Nikolay Patrushev, akuzon institucionet perëndimore se po hartojnë plane për këtë qëllim. Në një intervistë të botuar nga gazeta "Izvestia", të cilës i referohet RT, Nikolay Patrushev tha se Perëndimi po përpiqet të ndikojë në rendin global përmes "shkatërrimit të Rusisë ose dobësimit të saj në nivelin e një vendi të dorës së tretë nën menaxhimin e huaj".

Në një deklaratë të tijën në Greqi, kryeministri i Shqipërisë, Edi Rama tha ndër të tjera se Serbisë nuk i duhet bërë presion për sanksionet ndaj Rusisë, për shkak se Serbia varet nga gazi rus. Ky është një argument komod. Mirëpo edhe Gjermania varej nga gazi rus, edhe Hungaria, edhe Ukraina, e megjithatë askush nuk pësoi kolaps për shkak të sanksioneve.

Ministri rus i Mbrojtjes, Sergei Shoigu ka deklaruar nga New Dehli ku ndodhet në kuadër të takimit të Organizatës së bashkëpunimit të Shangait, se Rusia po rrit gatishmërinë luftarake në bazat e veta në Azinë Qendrore. Si shkak për këtë veprim, sipas tij është bërë rritja e pranisë së SHBA në rajon dhe për rrjedhojë, Kremlini e ka parë të arsyeshme që të rrisë gatishmërinë në bazat e veta në Taxhikistan, Kirgizi.

Pavarësisht presionit të sanksioneve të Perëndimit, miliarderët rusë vijojnë të shtohen në numër.  

Lista Forbes për Rusinë në 2023 rendit plot 110 emra, krahasuar me 88 që ishin një vit më parë. Biznesmenët që arritën të kalonin pragun për t'u bërë miliarderë ia dolën falë rimëkëmbjes së tregut të aksioneve në vendit. Këto të fundit ranë në mënyrë drastike menjëherë pas fillimit të operacionit ushtarak të Rusisë në Ukrainë, por më vonë u rimëkëmbën pasi ekonomia ruse nisi të përshtatej me sanksionet perëndimore.

Gazeta britanike “The Telegraph” shkruante dje se Vladimir Putin po përgatitet për luftë me Perëndimin dhe madje edhe për një sulm ndaj Britanisë së Madhe, autori, Bob Seely raporton se prania e anijeve spiune rus në afërsi të brigjeve britanike lidhet me hartëzimin e pikave të goditjes së infrastrukutrës kritike në eventualitetin e një konflikti në shkallë të gjerë me Perëndimin.

Prodhuesi i vodkës suedeze “Absolut” njoftoi se do të ndalojë eksportet në Rusi pas thirrjeve në vend për bojkotimin e markës.

Stephanie Durroux, shefja ekzekutive e firmës, tha se vendimi është marrë për shkak të thirrjeve në rrjetet sociale për bojkotimin e produkteve të Absolut.

Në prill, pronari i Absolut, Pernod Ricard, konfirmoi se kishte rinisur eksportet në Rusi pasi më parë i kishte ndërprerë ato në mars 2022, menjëherë pasi Moska filloi operacionin ushtarak në Ukrainë.

Deklaratat e presidentit francez Emmanuel Macron për autonominë strategjike nga SHBA, janë mbajtur shënim në Moskë. Zv.ministri i Jashtëm rus, Mikhail Galuzin është shpreur në një konferencë me akademikë me titullin: “Ukraina mes Rusisë dhe Perëndimit" se aktualisht janë rrethanat për krijimin e një qendre pushteti në kontinentin europian.

Zvicra nuk do të bllokojë asete të tjera ruse, përtej fondeve të ngrira tashmë. Drejtoresha e Sekretariatit Shtetëror për Çështjet Ekonomike (SECO), Helene Budliger Artieda, në një intervistë për gazetën “Neue Zürcher Zeitung”, e argumentoi këtë me mungesën e provave se asete të tjera mund të jenë subjekt i sanksioneve.

Ministri i Jashtëm serb, Ivica Daçiç, ka lënë një opsion hapur mbi ndryshimin e qëndrimit të Beogradit për sanksionet ndaj Rusisë. Duke folur në “Tv Prva” , Daçiç e ka lidhur hipotezën e sanksioneve me qëndrimin rus për Kosovën.

Nëse dikush do ta shtronte çështjen e anëtarësimit të Kosovës në OKB, do të kishte një proces votimi ku Kina dhe Rusia kanë të drejtën e vetos

Agjencia ruse e lajmeve “Tass” njofton se Bjellorusia dhe Rusia po zhvillojnë bisedime për atë që me gjuhën e dikurshme do të quhej një Traktat Sigurimi, që parashikon mbrojtje në rast të një sulmi ushtarak. Njoftimi i referohet deklaratave të presidenti bjellorus, Alexander Lukashenko që ka zhvilluar bisedime mbi këtë temë me ministrin rus të Mbrojtjes, Sergey Shoigu.