policia

Rreth 7 mijë efektivë të policisë nuk trajtohen me ushqim (drekë) gjatë kryerjes së detyrës. Edhe pse ka një Vendim të Këshillit të Ministrave të vitit 2007, i cili detyron Ministrinë e Brendshme të paguajë të paktën një vaktë ushqim (drekë) për të gjithë punonjësit që janë në shërbim, përsëri ky vendim nuk është vënë asnjëherë në zbatim. Për kreun e sindikatës të punonjësve të policisë, Sadedin Fishta, kjo situatë nuk është normale, ku një efektiv të mos marrë trajtimin e duhur ushqimor të parashikuar në ligj.

87-vjeçari Shyqyri Çoku, emri i të cilit është përmendur dendur lidhur me dekorimin për 70-vjetorin e Çlirimit ka folur sot për gazetën "Shekulli". Ai deklaron se nuk ka qenë pjesë e Sigurimit, se nuk e ka torturuar At Zef Pllumin dhe se nuk e njeh Sami Repishtin. Ndërkohë, edhe kryeministri, në fjalën e tij në Kuvend, e ka cilësuar Çokun si torturues të të dyve.

Një i dënuar për tentativë vrasje ka mundur t’i shpëtojë mbrëmë policisë së Rinasit. Ai është Arnold Canameti. Ky person ishte ekstraduar nga Franca, për shkak se ishte shpallur në kërkim ndërkombëtar, pas dënimit të tij në mungesë. Por me të mbërritur në Rinas ai është arratisur. Policia e Rinasit ka tentuar ta mbajë të fshehtë arratisjen, në përpjekje për të mbuluar skandalin. Forca të shumta janë angazhuar mbrëmë me urgjencë për të kapur të arratisurin dhe për të mbyllur skandalin. Lapsi.

Sot është Dita Ndërkombëtare e të Drejtave të Njeriut dhe në këtë kuadër janë organizuar disa aktivitete. Partia Bashkimi për të Drejtat e Njeriut ka organizuar tryezë të rrumbullakët, në të cilën kryetari i saj, Vangjel Dule ka përsëritur vërejtjet për “mungesën e një regjistrimi të popullsisë  në Shqipëri sipas standardeve dhe parametrave të Këshillit të Europës si edhe faktin  se jemi i vetmi vend që aspirojmë integrimin ne familjen europiane dhe nuk kemi ende një ligj integral për të drejtat e minoriteteve”.

Edhe ish-zv.ministri i Mbrojtjes Dritan Hila, ka komentuar protestën e sotme e cila sipas tij tonifikon reagimin dhe frymën e protestës. Thotë Hila në profilin e vet: "Ai bunker pas Ministrise se Brendshme eshte simboli i nje periudhe amoku qe kaluam, nga e cila duhet te nxjerrim mesime por nuk duhet t'ia deshmojme botes. Ai bunker eshte simbol i shijeve banale te kujt e ka dashur dhe vendosur aty. Ai bunker eshte nje shemti artistike qe nuk mund t'ia tregojme botes si nje nga atraksionet e Tiranes, pasi ne si popull nuk jemi kaq medioker.

Policia Policia e Shtetit ka emëruar të parën femër në detyrë komanduese. Largimi nga detyra e shefit të Komisariatit të Librazhdit, Gramoz Dafko, ka hapur rrugën për Kryekomisare Anila Popa (Hamiti) që ka kryer studimet në Francë. Dafku, i cili kishte  rreth dy vjet në këtë detyrë, është emëruar oficer krimesh në Komisariatin nr. 3 në kryeqytet. 

“Panorama” raporton sot për një debat të një lloji tjetër nga ato që zhvillohen prej dekadash në Grupin parlamentar të Partisë Socialiste. Deputetja Arta Dade i ankohet ministrit të Brendshëm, Saimir Tahiri për një ndërtim, sipas saj të paligjshëm, që një person po kryen në pallatin ku ajo jeton. Për ata që e kanë në kurriz këtë përballje skenari është i njëjtë: banorët denoncojnë, plicia paraqitet, personi paraqet lejen nga bashkia. Edhe prokuroria mban të njëjtin qëndrim. Kështu pra edhe ministri i Brendshëm, i cili ka ngritur duart lart duke thënë se “personi ka leje”.

Qeveria ka depozituar së fundmi një projektligj që prek direkt qytetarët: “Për masat shtesë të sigurisë”, titullohet projektligji, i cili shpall si objektiv: “krijimi i kushteve ligjore për të siguruar bashkëpunim mes Policisë së Shtetit dhe subjekteve publike e private, veprimtaria e të cilave përbën burim rreziku të shtuar për sigurinë, me synim mbrojtjen e jetës, pronës, dhe garantimin e sigurisë publike”.

Një video e lëshuar këto ditë tregon sesi një polic në Çikaho, Jason Van Dyke, ekzekuton në mënyrë brutale një adoleshent afroamerikan, 17 vjeçarin Laquan McDonald. 16 qitje pë 13 sekonda pasi ky i fundit ishte rrëzuar përtokë. Protestat kanë nxjerrë në rrugë qindra vetë që akuzojnë policin për vrasje. Dhe në fakt, 13 muaj hetim, kanë çuar në akuzën zyrtare "vrasje e shakllës së parë për Van Dyke, i cili ka deklaruar se druhej për jetën e tij. Por prokoruorë janë shprehur se qitja e tij ishte e pajustifikueshme. Ky nuk është rasti i vetëm në SHBA.

Qeveria, përmes Ministrisë së Brendshme, duket se ka gjetur rrugën e sigurisë maksimale: vendosje kamerash në çdo pallat dhe bashkëpunim masiv me policinë. Një praktikë që shqiptarët e njohin e që mendohej se do ishte lënë pas, ndërkohë që konfirmon se zbulueshmëria dhe parandalimi kanë pika për të cilat vetëm flitet, por pak gjë bëhet. Sot ministri i Brendshëm, Sajmir Tahiri, ka prezantuar projektligjin “Për disa masa shtesë të Sigurisë Publike” në të cilën parashikohen disa rregullime që mund të rezultojnë shumë problematike.