kulture

Dy partitura të panjohura më parë, që mbajnë autorësinë e Robert Schumann (1810-1856) janë gjetur në koleksionin e dorëshkrimeve të mbledhura nga shkrimtari austriak, Stefan Cvajg (1881-1942). Zbulimi u bë në Zvicër, në Fondacionin Martin Bodmer. Këto nuk janë veprat e vetme të pabotuara që dolën nga fondi: përveç tyre u gjetën edhe një partiturë nga Georges Bizet (një aranzhim për piano solo, e panjohur më parë) dhe një kompozim nga Charles Gounod.

Aktori Jean-Paul Belmondo, një nga yjet më të mëdhenj të kinemasë franceze të pasluftës, buzëqeshja karizmatike e të cilit ndriçoi ekranin për gjysmë shekulli, ndërroi jetë sot në moshën 88-vjeçare në shtëpinë e tij në Paris.

Belmondo lë pas plot 80 filma. Belmondo u shfaq për herë të parë në ekran në vitet ‘50, por u bë i famshëm gjatë Valës së Re të dekadës pasuese, me rolet e tij në filmat "Pa frymë” dhe "Burri nga Rio".

Një përkrenare bronzi shumë e rrallë greko-ilire, e përdorur në Greqi gjatë kohës së luftërave greko-persiane, është zbuluar kohët e fundit në një varr të gdhendur në shkëmb në Dalmaci, Kroaci.

Grupi Abba rikthehen me një album të ri. 40 vjet pas albumit të fundit “The visitors”, grupi suedez u ribashkua për “Voyage”, një album me këngë të reja që del në treg më 5 nëntor. Dy prej këngëve të albumit, “I still have faith in you” dhe “Don’t shut me down” janë publikuar.

Grupi legjendar i popit, i përbërë nga Benny Andersson, Agnetha Fältskog, Anni-Frid Lyngstad dhe Björn Ulvaeus, kanë njoftuar edhe për një koncert në Londër, në maj 2022.

Fenomenet e fundit të mbledhura nën emrin e kultura e anulimit (diçka e ngjashme me "censurën kulturore") mund të gjykohen nga dy këndvështrime. Të këmbëngulësh në të qenit politikisht korrekt në aspektin e racës dhe gjinisë është një mënyrë për të shmangur diskriminimin që ekziston ende dhe për të ribalancuar pabarazitë e vjetra dhe të mëdha në fushat e studimit, deri para disa dekadash prerogativë pothuajse ekskluzive e meshkujve të bardhë.

Restaurimi i një pikture të Johannes Vermeer nxori në pah një element të panjohur më parë. Piktura "Vajza që lexon një letër para dritares së hapur" (1657) i është nënshtruar ekzaminimit me rreze infra të kuqe, të cilat zbuluan se në pikturë kishte edhe një pikturë tjetër.

Në murin e dhomës është varur piktura e një Kupidi, një element që studiuesit e artit thonë se është vënë aty për treguar se vajza po lexon një letër dashurie.

Një nga skeletet e ruajtura më mirë, të zbuluara deri tani në Pompei, ka dalë në dritë në nekropolin e Porta Sarnos, duke konfirmuar edhe diversitetin gjuhësor të kohës, 79 vjet para lindjes së Krishtit.

Në varrin e Porta Sarnos është gjetur një kafkë me tufa flokësh të bardhë dhe pjesë të një veshi, si dhe eshtra dhe fragmente pëlhure. Gjetja përshkruhet si "një nga skeletet e ruajtura më mirë që është gjetur ndonjëherë në qytetin antik". Ajo hedh dritë mbi jetën kulturore të qytetit para se të shkatërrohej nga shpërthimi vullkanik i malit Vezuv.

Këngëtari dhe kompozitori legjendar, si edhe fitues i Nobelit të Letërsisë në vitin 2017, Bob Dylan, është nën akuzë për përdhunimin e një minoreneje. Dylan është paditur në gjykatë për abuzim me të mitur, një ngjarje që supozohet se ka ndodhur disa dekada më parë. Sipas akuzës, ai ka droguar një dymbëdhjetë vjeçare dhe ka abuzuar me të disa herë, edhe në apartamentin e tij në Hotel Chelsea, në vitin 1965. Lajmin e bëjnë të ditur mediat amerikane.

Një fragment i Epit të Gilgameshit është konfiskuar së fundmi nga qeveria amerikane. Pllaka kuneiforme sumere ishte blerë nga një tregtar amerikan në vitin 2003, dhe më vonë ishte shitur te zinxhiri i dyqaneve artizanale Hobby Lobby për Muzeun e Biblës në Oklahoma.

Të martën, Departamenti Amerikan i Drejtësisë njoftoi se Lobi Hobi - pronarët e të cilit janë të krishterë të devotshëm - ra dakord të heqë dorë nga artefakti, i cili përmban një pjesë të Eposit të lashtë Sumerian të Gilgameshit, veprat më e vjetër e letërsisë në botë që i ka mbijetuar mijëvjeçarëve. 

Portikët e Bolonjës bëhen pjesë e listës së Trashëgimisë Botërore të UNESCO-s.

Vendimi u mor sot në takimin e Komitetit të 44 -të të Trashëgimisë Botërore në Fuzhou, Kinë. Në këtë sesion të UNESCO-s, Italia arriti të marrë miratimin për tre sajte të trashëgimisë kulturore, dy të tjerat llixhat e Montecatinit dhe afresket e Padovës.