Blloku Politikë

Kryetari i zgjedhur, por i pa dekretuar nga Presidenti i Republikës, Skënder Gjinushi, thotë se akti i Ilir Metës është nul. Sipas tij, presidenti me dekretin e refuzimit për ta emëruar atë në krye të Akademisë së Shkencave nuk mund të bëjë nul një proces zgjedhor në një institucion.

Ashtu siç ishte paralajmëruar Komisioni Qendror i Zgjedhjeve përfundoi rinumërimin e kutive për 11 qendra zgjedhore në Lezhë, bazuar në kërkesën e Partisë Konservatore Albania, të ish-deputetit Eduard Ndocaj, i njohur ndyshe si kaubojsi, i cili garoi përballë Pjerin Ndreut.

Në përfundim numri i votave doli i njëjtë me ato që të shkruara në procesverbal nga numëruesit e 30 qershorit, ku sipas verifikimit i vetmi gabim i evidentuar ishin 4 vota të hedhura në kutinë e gabuar. Nga ana tjetër kutitë e materialeve Zgjedhore nuk u hapën p[ër të verifikuar numrin e zgjedhësve.

Presidenti i Republikës, Ilir Meta ka refuzuar sot dekretimin e Skënder Gjinushin në detyrën e kryetarit të Akademisë së Shkencave. Në faqen e Presidencës është publikuar dekreti i refuzimi bashkë me arsyetimin përkatës juridiko-kushtetues që nis me një parashtim të prcedurës së njoftimit nga Akademia për zgjedhjen e Gjinushit si kryetar dhe përshkrimin e saj.

Situata politike në Shqipëri po rrëshqet drejt komedisë së justifikueshme vetëm për një shtet të dështuar. Presidenti i Republikës, Ilir Meta, ka ndërmarrë vetëm dje, dy akte që kontrastojnë me qëndrimin e qeverisë së Shqipërisë, duke përcjellë mesazhe konfuzuese për autoritetin real politik në vendin tonë dhe për politikën e tij të jashtme.

Memot e ambasadorit britanik në SHBA, publikuar së fundmi nga gazeta “Mail”, kanë provokuar incident diplomatik mes Uashingtonit dhe Londrës. Presidenti amerikan Donald Trump, citohet të jetë shprehur në tuiter se:

Nuk e njoh ambasadorin por në SHBA nuk është i mirëpritur dhe i konsideruar. Nuk do të diskutojmë më me të

Politika shqiptare ka hyrë në një rreth psikotik dhune verbale dhe lufte civile retorike që herët apo vonë do të çojë në veprime që do përligjin këto që artikulohen sot. Jo për dëshirë, por për të riekuilibruar një skenë të anuar dukshëm nga krahu i krimit ekonomik. Politika shqiptare po premton publikisht Burgun, ndëshkimin; ajo është detyruar të fusë në axhendë prioritare repertorin penal për të cilin mendonte se nuk do të vinte ndonjëherë dita.

I degraduar politikisht dhe qesharak në seriozitetin që përpiqet t’i imponojë vetes në kushtet kur si kryeministër nuk ia doli dot të bëjë asnjë palë votime, Edi Rama mbajti një tjetër hartim mbrësëlënës para Sadri Abazit dhe “rilindasve” të tjerë që vijojnë ta dëgjojnë me kërshëri njeriun që prej kohësh u prezantohet shqiptarëve si atlet i perëndimit.

Teksa pritet që parlamenti të miratojë këtë të hënë në një seancë të jashtëzakonshme ngritjen e Komisionit hetimor për shkeljet e Kushtetutës nga Presidenti, Ilir meta në një qëndrim për situatën ligjore te krijuar pas 30 qershorit presidenti shpjegon se nuk ka shkelur asnjë ligj dhe se vendim i Kolegjit, nuk prek aspak vlefshmërinë e Dekretit të Presidentit të Republikës.

Kryeministri Edi Rama ka nisur të përdorë fjalë importi për të sugjestionuar opozitën dhe protestat e saj. Nëse një ditë më parë, ai soli një thënie të ish-kryeministrit britanik, Churchill për të përcjellë mesazhin se sfidat e pas 30 qershorit janë shumë të mëdha dhe se për to nevojitet dialog, për protestën e nesërme, z. Rama ka zgjedhur Martin Luther King.

Përtej aspektit moral, limiti i protestave të dhunshme qëndron në faktin se ato s’të çojnë në fitore dhe këtë e dinë edhe ata që i bëjnë.

Ambasadori rus në Tiranë Aleksandër Karpushin është intervistuar nga Reporti Tv që e ka pyetur mbi zhvillimet politike në Shqipëri. Diplomati rus ngriti dyshime se vendi ynë nuk ka një politikë të jashtme të pavarur.