Blloku Ekonomi

Eurostat ka publikuar sot të dhënat për vitin 2019 ku rezulton se shqiptarët kishin të ardhura për frymë sa 31% e mesatares europiane, që rezulton më e ulëta për Europën, pa përfshirë Kosovën që bën përjashtim te të dhënat.

Gjithsesi, ajo që mund të konsiderohet paksa pozitive është se në raport me një vit më parë, përqindja ka mbetur e pandryshuar, që do të thotë se vendi ynë ka ngecur në atë që quhet procesi i konvergjencës, çka nënkupton një rritje më të shpejtë ekonomike në krahasim me vendet e zhvilluara, por që gjithsesi nuk është edhe aq shpresëdhënëse.

Simone Micheli, arkitekt i njohur italian që predikon si filozofi të punës së vet “luksin demokratik” njofton në faqen e vet online për një projekt të quajtur “Saranda Beach Village”. Micheli, që ka qenë më herët në Shqipëri ku edhe ka hapur një ekspozitë, thotë se fshati në fjalë do të nisë së shpejti pas një mirëkuptimi mes tij dhe klientit Luan Leka, një biznesmen i njohur shqiptar.

Lajmi se në bregdetin e Jugut do të nisë procesi i regjistrimit të pronave nuk i ka gëzuar aspak banorët e fshatit Nivicë. Në një nga zonat më problematike sa i përket ndarjes së pronës me ligjin 7501, pronarët e tokave nuk kanë besim se ky process do të funksionojë. Kryeplaku Stefan Llambri, thotë në një lidhje telefonike për TvT se së pari duhet të dalë harta e kufijve të plotë të fshatit Nivicës.

“Kanë ardhur nga kadastra për të bërë regjistrime por nuk i lejojmë, të dal njëherë harat e fshatit dhe më pas të bëhet ndarja dhe regjistrimi i pronës”.

2 mld euro është shuma që bankat e nivelit të dytë kanë konservuar në funksion të ekonomisë dhe stabilitetit financiar përgjatë periudhës së pandemisë. Kështu thotë  në një intervistë për TvT Silvio Pedrazzi, kryetari i shoqatës së bankave në Shqipëri dhe drejtori ekzekutiv i bankës “Intensa San Paolo”.

Recesion i theksuar ekonomik dhe varfërim i mëtejshëm i punonjësve të shërbimeve janë dy parashikimet kryesore të Bankës Botërrore për Shqipërinë, si pasojë e pandemisë së Covid 19. Maryam Salim, menaxhere e Bankës Botërore për Shqipërinë, në një intervistë për “Monitor” thotë se varfëria do të rritet me 4-8 pikë përqindjeje, dhe se ky fenomen do të godasë më shumë zonat urbane. SIpas Salim, janë një sërë faktorësh e bëjnë Shqipërinë veçanërisht të prekshme nga kjo krizë

Shqetësimi i Fatmir Ndreut, i cili është banor në zonën e Freskut, lidhet me faturimin nga OSHEE-ja. Ai thotë se qëkurse i është instaluar matësi i ri, faturohet 3000 lekë më shumë, se sa me matësin e vjetër. Fatmiri na tregon se ndërrimi i sahatit  është bërë pa praninë e klientit.

Qeveria shqiptare do t’i drejtohet tregjeve ndërkombëtare financiare me një Eurobond prej 650 milionë eurosh. Ministrja e Financave dhe Ekonomisë, Anila Denaj, e pranishme në Komisionin Parlamentar të Ekonomisë deklaroi se eurobondi do të jetë me maturim 7 deri 10 vite. Sipas saj, financimi i siguruar nga eurobondi do të shërbejë për të shlyer (rifinancuar) eurobondin e marrë në vitin 2015 dhe për të plotësuar nevojat për financim për vitin 2020.

Një ide e përsëritur prej vitesh për ringritjen e kooperativave duket e parealizueshme për ekspertët e bujqësisë. Ndonëse puna e bashkuar e fermerëve është metoda më e mirë për tu siguruar atyre treg dhe rritje ekonomike, ekspertët thonë se në Shqipëri mungon organizimi dhe konsulenca e nevojshme nga ana e qeverisë dhe ministrisë së bujqësisë.

Ndoc Fasllia: "Është fakt që ndër vite është folur, por gjithmonë ka pasur një farë hezitimi për tu bashkuar, për të kooeruar fermerët , për tu organizuar në kooperativat e prodhimit në bujqësi".

Rruga "Myslym Shyri" ishte e radhës që iu shtua një korsi biçikletash. Gjatë kohës së pandemisë edhe të tjera rrugë në Tiranë patën të njeëtin ndryshim infrastrukturor. Nga një anë, përdoruesit e biçikletave ndihen të sigurt në qarkullimin e tyre, por nga ana tjetër bizneset po vuajnë mungesën e klientëve..

Më parë makinat ndalonin blinin, tani nuk i lë policia. Është gabim i madh të bëhet korsi biçikletash pasi bashkia fitonte lekë nga parkingu i makinave. Këtu pak biçikleta kalojnë…

Qeveria pritet të ofrojë një garanci të dytë sovrane, për t’iu ardhur në ndihmë bizneseve për t’u rimodeluar, për shkak të mbylljes së tyre prej më shumë se dy muajsh nga covid-19.

Kreu i Dhomës së Tregtisë dhe Industrisë, Nikolin Jaka, thotë se edhe me garancinë e parë, jo të gjitha bizneset që kanë aplikuar kanë mundur të përfitojnë, pikërisht për shkak të qasjes burokrate të bankave ndaj tyre. Për këtë arsye, shumë prej bizneseve janë detyruar të tërhiqen.