Blloku Ekonomi

Sekretari për çështjet ligjore në Partinë Demokratike, Çlirim Gjata, e cilëson rast flagrant korrupsioni, shitje sovraniteti dhe tradhti ndaj interesave të shqiptarëve shtesën e kontratës koncesionare që Parlamenti miratoi sot për portin në Porto Romano. Në një intervistë në studion e lajmeve në TvT, Gjata tha se një marrëdhënie e tillë korruptive bën përgjegjës njësoj si palën që e jep koncesionin, edhe palën që përfiton prej tij. Sipas Gjatës, opozita do ta shfuqizojë këtë kontratë dhe do t’u kërkojë organeve të drejtësisë hetimin e saj.

21 shoqata të biznesit kanë dalë sot me një deklaratë përmes së cilës akuzojnë zv.kryeministrin Erjon Braçe se po i fryn konfliktit social. Në deklaratë i kujtohet z. Braçe se sipërmarrja private është punëdhënësi kryesor në vend dhe se problemet e ndryshme që ka biznesi në raport me të punësuarit vjen edhe pse shteti apo zyrtarë të tij aplikojnë standarde të dyfishta. Më poshtë deklarata: 

Problemi ekonomik po fiton terren mbi atë shëndetësor të krijuar nga epidemia. Nëse qeveria sot deklaron jo pa të drejtë se e mbajti në kontroll epideminë, ndonëse shkaqet e kësaj dukurie mund të jenë komplekse, ajo ende nuk di të përgjigjet për situatën ekonomiko-sociale të krijuar. 

Çështja që ngre krye këtu është ajo sociale dhe lidhet me shtresat më të varfra të shoqërisë që nuk mund t’ia lejojnë vetes të kenë qoftë edhe një të papunë në shtëpi, e jo më papunësi gati dymujore. 

“Parregullsia kryesore lidhet me çështjen e kodifikimit të veprimtarisë ekonomike". 

Kjo sipas drejtoreshës së Tatimeve, Delina Ibrahimaj, është arsyeja që në sportelet e Qendrës Kombëtare të Biznesit ka një dyndje të personave që ushtrojnë veprimtari biznesi. Teksa foli për rreth 60 mijë të larguar nga puna në këtë periudhë, Ibrahimaj sqaroi se verifikimet e qytetarëve që aplikuan janë bërë rast pas rasti në rastin e paketës së parë dhe me sistem automatik në paketën e dytë.

Fasoneria është industria më e prekur jo vetëm për numrin e punonjësve të infektuar, por edhe për dëmin që i është shkaktuar në planin fiananciar.

Kreu i Shoqatës, Gjergj Gjika thotë se pagat e punonjësve janë reduktuar dhe se nëse kjo situatë do të vijojë fabrikat do të nxjerrin në rrugë rreth 50 mijë punonjës.

Në fillim kreministri mendoi një garanci sovrane. Pastaj i pyetur sërish deklaroi se biznesmenët e mëdhenj mund të shesin vilën e tretë apo të katërt për të paguar rrogat e punonjësve. Sepse jemi në luftë. 
Siç është zakoni, këtë luftë në stil të gjerë e mikromizon kryebashkiaku i Tiranës, Veliaj. I cili nën të njëjtën frymë deklaronte se të pasurit mund të shesin njërën nga makinat e shtrenjta që kanë.
Ta lëmë mënjanë faktin nëse përfaqësues politikë mund të flasin kështu. Le të pyesim: kush blen në këtë kohë vila dhe makina të shtrenjta? 

Kryeministri Rama ka prezantuar pak më parë atë që e quajti paketa e zgjeruar e  ndijmës financiare. 

Kjo paketë e zgjeruar do të mbështesë plot 176 mijë individë dhe familje, duke u ofruar mjetin financiar për ta përballuar me një frymëmarrje më të lehtësuar këtë 40 ditësh vendimtar që kemi përpara deri në fund të muajit.

20 prilli është data kur të vetëpunësuarit duhet të paguajnë sigurimet shoqërore, në një vlerë prej 24 mijë lekësh.

Atyre që kanë përfituar 26 mijë lekëshin e pagës së luftës duket se u teprojnë vetëm 2 mijë lekë nga kjo shumë, duke e bërë ndihmën e qeverisë, të papërfillshme.

Kreu i Shoqatës së biznesit të vogël thotë për TvT se paga e luftës nuk është realisht mbështetje për shqiptarët.

Pas Thumanë - Kashar, ministrja e Infrastrukturës, Belinda Balluku ka njoftuar edhe dy anullime të tjera të mëdha. Koncesionet Milot-Balldren dhe Orikum-Dukat, që sipas saj do të rishikohen dhe fondet e akorduara për të cilat do të shkojnë në luftën kundër pandemisë. 

Përfaqësuesi i Lartë i BE-së, Josep Borrell ka deklaruar se adresimi i fondeve europiane për luftën kundër pandemisë, nuk do të prekë fondet e përcaktuara më herët për vendet partnere. 

Asnjë vend nuk do të humbasë paratë e alokuara më parë për ta nga BE për shkak të kalimit të fondeve në atë që e shohim si prioriet. Niveli i ndihmës së BE për çdokën do të jetë i njëjti dhe sasia e drejtuar në çdo vend do të varet nga shkalla e zbatimit të programit