Blloku Ekonomi

Në Tiranë është zbuluar hileja greke për detin. Dhe kjo hile qëndron në faktin se Greqia, më saktë aktorë politikë në të po kërkojnë deklarimin e 12 miljeve detare det territorial. Sipas asaj që është zbuluar në Tiranë, ky deklarim nuk rregullohet nga Konventa e Detit, pasi ekspertë pa emër kanë bërë të ditur se 12 miljet nuk zbatohet për shtetin arqipelagor.

Tërmeti nuk e ndikon objektivin buxhetor të qeverisë. Të paktën sa i përket rritjes ekonomike. Në një njoftim në Facebook, ministrja e Financave, Anila Denaj shpalos buxhetin 2020, si buxhet të Rindërtimit dhe Vazhdimësisë. Objektivi i rritjes ekonomike: 4%. Investimet publike, jo më pak se 4.5% të Prodhimit të Brendshëm Bruto.

Çdo gjë pra duke si jo më mirë.

Vetëm pak ditë nga ngritja e Strukturës së Posaçme Anti-Korrupsion, SPAK, Partia Demokratike ka gati dosjet e koncensionarëve, për t’ia dërguar kësaj njësie hetimore. Jamarbër Malltezi, përgjegjës i Departamentit të Ambientit, Pyjeve dhe Mjedisit pranë selisë blu për “TemA TV” tregon me emra, koncensionarët që sipas tij janë favorizuar nga qeveria Rama dhe që duhet të ndiqen penalisht.

Qeveria shqiptare nuk ka ndërmend të tërhiqet nga planet e saj për të lejuar ndërtimin e hidrocentraleve mbi lumin Vjosë, pavarësisht thirrjeve që vijnë nga organiztat mjedisore për ruajtje të ekosistemit. Kreu i Agjencisë së Zonave të Mbrojtura, Zamir Dedej, sjell si shembull Greqinë, nga ku buron lumi Vjosë.

HEC i parë është ndërtuar që në burim. Pra nëse do të shkosh në malet e Pindit, ku buron Vjosa, Greqia ka bërë digën që në burimet e saj. Ka bërë një liqen dhe e shfrytëzon atë për hidrocentral   

Teksa qeveria është duke kërkuar donacione për të prekurit nga tërmeti në terren inxhinierët vijojnë inspektimin e ndërtesave. Bilanci i dëmeve është ende në përpunim pasi numri i objekteve me probleme pritet të rritet.  Këtë thotë për “TemA TV”  kreu i Institutit të Ndërtimit, Agron Hysenlliu, cili ishte këtë të enjte në krye të një grupi inspektimi në Kavajë.

Sot është raportuar se në godinën e Kryeministrisë është prezantuar projekti dhe tenderi për ndërtimin e Aeroportit të Vlorës. Kryebashkiaku i Vlorës, Dritan Leli citohet të jetë shprehur me këtë rast:

Raporti i Sekretariatit të Komitetit për Energjinë ka përplasur drejtuesin e sekretariatit, Janez Kopac, dhe ministren e Infrastrukturës dhe Energjisë, Belinda Balluku. Gjatë mbledhjes së Komisionit për Veprimtarinë Prodhuese, ministrja Balluku dhe Kopac u përfshinë në një debat, ku nga ana e saj Balluku u shpreh se qeveria shqiptare nuk është njohur me një draft raport sa i përket të dhënave mbi sektorin e energjisë.

Qeveria ka vendosr së fundmi që të lejojë shitjen e pronave shtetërore subjekteve private që duan të zhvillojnë atë dhe kanë lejen për këtë qëllim. Vendimi nr. 807, i datës 11 dhjetor(Fletore Zyrtare nr. 171)  përcakton se për cilat kategori prone bëhet kjo shitje dhe aty mund të kuptohet fare qartë se debati si ky që pamë me Teatrin zhvendosen tani drejt një akti administrativ të gjerë në fushë veprimi. Më poshtë lexoni rastet se kur bëhet shitja e pronës shtetërore drejt subjekteve private:

Persona të prekur nga tërmeti në fshatin Qafëzez të Korçës janë konfrontuar sot fizikisht për shkak të ndarjes së ndihmave.

Përplasja ka ndodhur mes disa të strehuarve në kontenier dhe përfaqësuesve të pushtetit vendor, ndërsa banorët shprehen se nuk kanë ku të shkojnë pasi shtëpitë e tyre janë shembur që me datë 1 Qershor.

Komiteti i Përhershëm i Konventës në Bern bën thirrje për pezullimin e punës për HEC-et e parashikuara për t’u ndërtuar mbi lumin Vjosë, në Poçem dhe Kalivaç. Gjatë mbledhjes vjetore të Komitetit të Përhershëm në Strasburg (3-6 dhjetor), Komiteti u bëri thirrje edhe një herë autoriteteve shqiptare të pezullojnë të gjitha përgatitjet në lidhje me dy projektet e hidrocentraleve - Kalivaç dhe Poçem – deri në përfundimin e vlerësimit strategjik të ndikimit në mjedis dhe atij social. Vjosa njihet si lumi i fundit i madh natyror në Evropë, duke përjashtuar Rusinë.