Blloku Ekonomi

Kryeministri Rama ka prezantuar pak më parë atë që e quajti paketa e zgjeruar e  ndijmës financiare. 

Kjo paketë e zgjeruar do të mbështesë plot 176 mijë individë dhe familje, duke u ofruar mjetin financiar për ta përballuar me një frymëmarrje më të lehtësuar këtë 40 ditësh vendimtar që kemi përpara deri në fund të muajit.

20 prilli është data kur të vetëpunësuarit duhet të paguajnë sigurimet shoqërore, në një vlerë prej 24 mijë lekësh.

Atyre që kanë përfituar 26 mijë lekëshin e pagës së luftës duket se u teprojnë vetëm 2 mijë lekë nga kjo shumë, duke e bërë ndihmën e qeverisë, të papërfillshme.

Kreu i Shoqatës së biznesit të vogël thotë për TvT se paga e luftës nuk është realisht mbështetje për shqiptarët.

Pas Thumanë - Kashar, ministrja e Infrastrukturës, Belinda Balluku ka njoftuar edhe dy anullime të tjera të mëdha. Koncesionet Milot-Balldren dhe Orikum-Dukat, që sipas saj do të rishikohen dhe fondet e akorduara për të cilat do të shkojnë në luftën kundër pandemisë. 

Përfaqësuesi i Lartë i BE-së, Josep Borrell ka deklaruar se adresimi i fondeve europiane për luftën kundër pandemisë, nuk do të prekë fondet e përcaktuara më herët për vendet partnere. 

Asnjë vend nuk do të humbasë paratë e alokuara më parë për ta nga BE për shkak të kalimit të fondeve në atë që e shohim si prioriet. Niveli i ndihmës së BE për çdokën do të jetë i njëjti dhe sasia e drejtuar në çdo vend do të varet nga shkalla e zbatimit të programit

Kompanitë e sigurimeve në Shqipëri as që kanë ndërmend të t’u kthejnë para klientëve të tyre për kohën që ata nuk e kanë përdorur automjetin si pasojë e masave ndaluese të qeverisë. I kontaktuar me telefon, drejtori i SIGAL, njërës prej kompanive që operon në tregun shqiptar,  tha për TvT se ka vendosur  të mos falë detyrimet që lidhen me policat e sigurimit.

AVNI PONARI, drejtor i Sigal: 

Presidenti i Kosovës Hasim Thaçi falenderonte sot në Facebook presidentin e Turqisë, Erdogan për ndihmën e dhënë në këtë situatë pandemie. Ndihma është logjistike, njësoj si puna e ambulancave që erdhën në Shqipëri. Pra po flasim për solidaritet për gjëra bazike. Pak ditë më parë u bë e njohur se SHBA i dhuruan Shqipërisë 30 mijë teste për koronavirusin.

Ministria e Infrastrukturës dhe Energjisë ka pezulluar tenderin ndërkombëtar për dhënien me koncesion për ndërtimin e Aeroportit të Vlorës. Nuk dihet ende nëse ndërtimi i këtij aeroporti do të fillojë brenda këtij viti. Shkak për këtë është bërë vendimi i APP-së për të anuluar të gjithë tenderat, përveç tenderave të lidhura me mbulimin e nevojave të shkaktuara nga pandemia e koronavirusit.

Dhoma e Tregtisë dhe Industrisë, përmes një shkrese zyrtare me 8 propozime, i kërkon qeverisë që të mbështesë ekonominë, pasi në kushtet e izolimit, për shkak të koronavirusit, po rrezikon kolapsin.

Kreu i saj, Nikolin Jaka, në një intervistë për TVT-në, thotë se ndër kërkesat kryesore është dhe rishikimi i buxhetit të shtetit për këtë vit, për t’u ardhur në ndihmë sektorëve të ndryshëm të prekur nga kriza e pandemisë.

Duhet të riskojmë të gjithë. Pa përjashtim.

A mund të riskohen koncesionet?

Kryeministri i  Shqipërisë Edi Rama tha se qiratë nuk duhen  paguar. Kush kërkon qiranë në marrëdhënie biznesi do gjobitet.  Pas reagimeve e korrigjoi. Tha se do paguhen me këste. Ky akt na njofton disa gjëra. Selektivitetin e strategjisë së luftës së pari. 

Kryeministri i Shqipërisë i quan budallallëqe kërkesat për anullim, pezullim të koncesioneve. As nuk pranon ta diskutojë një gjë të tillë. 

Të dyja janë marrëdhënie kontraktuale. Për njërën kemi ndalim, për tjetrën tolerim. Për njërën vlen gjendja e jashtëzakonshme, për tjetrën jo. 

Biznesmeni Samir Mane ka deklaruar në një lidhje televizive sot se biznesi i madh në Shqipëri është goditur rëndë. I pyetur për mundësitë e mbijetesës në një bllokim si ky, Mane u shpreh se kompanitë kryesore mund të mbijetojnë nga 1 muaj deri në 4-5 muaj. Në varësi të aktivitetit.

Lidhur me situatën e furnizimeve, Mane deklaroi se nuk pret që të ketë probleme në këtë drejtim, sidomos me ushqimin, ndonëse në disa drejtime dhe disa vende priten luhatje çmimi.