Blloku Ekonomi

4.1 milionë euro që iu kaluan me urgjencë Bashkisë së Tiranës me një amendament të propozuar 24 orë para seancës plenare të 14 nëntorit nuk mban vetëm autorësinë e deputetes Klotilda Ferhati, por edhe kolegut të saj, Ervin Bushati, i cili është nën hetim nga SPAK për pasuri të paligjshme. E pyetur nga TvT, Ferhati la të kuptohet përmes një lidhjeje telefonike se ndërhyrja e saj dhe drejtuesit politik të Partisë Socialiste për Tiranën vetëm sa  korrigjoi një nevojë të Bashkisë së drejtuar nga zoti Veliaj që lidhet me menaxhimin e mbetjeve.

Sot mediat kanë raportuar se kryeministri Edi Rama ka emëruar në detyrën e zv.ministrit të Financave, Besart Kadinë, i trajtuar si ekspert ekonomie dhe me funksione në Partinë Demokratike. Kadia është i disati zyrtar “opozitar” që merr funksione publike nga qeveria e z. Rama,  e cila sipas një zhargoni të Qëndrestarëve do të duhet të njihet si qeveria e Neobllokmenëve. Në fillim Visho Ajazi që shkoi ambasador, më tej Ridvan Bode në Bankën e Shqipërisë, tani Kadia. Siç mund të shihet z. Rama nuk heq dorë nga bashkqeverisja. Jo me PD-në, aboslutisht jo. Por me ekselentët.

Sot është zhvilluar i ashtuquajturi Samit i Sofjes, pjesë e Procesit të Berlinit. Në këtë takim është vendosur ngritja e Tregut të Përbashkët Rajonal ku përfshihet Shqipëria, Bosnje&Hercegovina, Maqedonia e Veriut, Kosova dhe Serbia.

Kompania publike Albpetrol, e cila mbikëqyr koncesionet e naftës, ka lëshuar alarmin se Bankers Petroleum po transferon para jashtë Shqipërisë, në një kohë që borxhet e saj brenda vendit janë rritur me shpejtësi. Përmes një shkrese zyrtare, ne dhjetor të vitit të kaluar, Albpetrol i ka kërkuar sqarime të hollësishme Bankers Petroleum mbi këtë çështje duke e pyetur shprehimisht se sa është shuma e parave të transferuara jashtë dhe me çfarë motivacioni janë transferuar ato.

Kritik jo vetëm për inceneratorët, koston e madhe të ndërtimit, por dhe mungesën e transperencës është eksperti i ekonomisë Selami Xhepa. Për TVT ai gjithashtu i ka cilësuar abuzive investimet me Partneritet Pubik Privat nga qeveria shqiptare duke thelluar borxhin publik.

Revista “Monitor” ka publikuar pak ditë më parë një shkrim me titull: Sigurimi për fatkeqësitë/Do të presim edhe një tërmet tjetër?

Biznesmeni Luan Leka ka reaguar sot publikisht për çështjen e krijuar në Kakome, ku ai ka marrë në pronësi mbi 100 ha për të zhvilluar një kompleks turistik. Reagimi i mëposhtëm e z. Leka nis me faktin juridik se gjykatat kanë rrëzuar pretendimet e banorëve, se zhurmën po e bëjnë 4-5 familje, se procedura e provtizimit nga shteti ka nisur pas zgjidhjes së problemit gjyqësor etj.. Më tej z. Leka vë në dukje një fakt sipas të cilit:

Rilindasi buzagaz i Sarandës, Adi Gurma, në përpjekjen e tij provinciale për të imituar Edin e Tiranës dhe Lali Erin, ka vendosur të bllokojë një rrugë, të cilën me gjasë e imagjinon si pedonale. Argumenti formal: nuk dalin dot zjarrfëikëset, a thua se me ardhjene Gurmës në bashkinë e Sarandës nisi halli i zjarrëfikëseve.

Njoftimi i fundit se qeveria ka propozuar një projektligj për krijimin e regjistrit të llogarive bankare, krijon ndër të tjera kushtet për të diskutuar mbi aksesin që do të ketë në këtë njësi të re të dhënash private. Në projektin e propozuar e drejta për akses të pakufizuar në Regjistëri i jepet Drejtorisë së Përgjithshme të Tatimeve dhe Shërbimit Informativ Shtetëror.

Gjykata Europiane e të Drejtave të Njeriut ka vendosur të mos marrë më në shqyrtim çështjet e pronësisë që depozitohen pranë saj nga ish-pronarë shqiptarë, të cilët kërkojnë të drejtën e tyre përballë shtetit. Një listë prej 77 çështjesh të dërguara në këtë gjykatë nga ish-pronarët janë kthyer mbrapsht me argumentin se drejtësia shqiptare i ka tashmë mekanizmat për t’i trajtuar.