Blloku Bota

Një raport i Human Rights Watch përcakton se Izraeli ka kryer spastrim të qëllimshëm etnik në Gaza prej nga ku ka deportuar 2 milionë civilë palestinezë.

Greqia është duke diskutuar me Izraelin për ndërtimin e një mburoje ajrore si ajo që njihet me emrin: Iron Dome.

Plani synon krijimn e një sistemi shumëplanësh ajoror dhe anti-dron. Ne jemi në diskutime me Izraelin

citon gazeta “Kathimerini” një burim të vetin pranë ministrit të Mbrojtjes Nikos Dendias.

Humbja katstrofike e demokratëve në ShBA ka hapur rrugën për diskutimin e rinovimit të lidershipit. “The Hill” shkruan se në radhët e demokratëve ka nisur të shihet si kandidati më premtues për zgjedhjet e ardhshme, guvernatori i Pensilvanisë, Josh Shapiro, me origjinë hebreje.

Për një demokrat, cdo shteg për në Shtëpinë e Bardhë më 2028 kalon edhe nga Pensilvania dhe dikush që është popullor si askush tjetër do të marrë shumë vëmendje

Siç ishte njoftuar më herët, Presidenti I zgjedhur I SHBA, Donald Trump, është takuar me presidentin në detyrë, Joe Biden. Takimi ëzhtë zhvilluar në Shtëpinë e Bardhë dhe në videon e shpërndarë shihen tonet kordiale mes dy presidentëve që shkëmbejnë rolet.

Trump ka deklaruar se “sot politika është shumë e mirë” duke vlerësuar nevojën e tranzicionit paqësor të pushtetit.

Gazeta britanike “The Guardian” ka mbyllur llogarinë e vet në rrjetin “X”, ose më saktë nuk do të postojë më përmbajtje të sajat aty. Përmes një deklarate gazeta sqaron arsyet e këtij bojkoti:

Ne mendojmë se përfitimet e të qenit në X kapërcehen tashmë nga aspektet negative dhe burimet mund të përdoren më mirë në promovimin e gazetarisë sonë gjetkë

Pete Hegseth do të jetë Sekretari i Mbrojtjes në administratën Trump. Hegseth vjen nga karriera ushtarake dhe së fundmi drejtonte një program për ushtrinë në Fox News. 

Elon Musk dhe Vivek Ramsawamy do të drejtojnë Departamentin e Efiçencës Qeveritare. Sapo ka marrë emërimin, Musk ka deklaruar se nga 428 agjenci federale mjaftojnë 99,  një operacion i thellë. 

John Ratclife do të jetë drejtori i ri i CIA-s. Ai ka qenë drejtor i NSA-së për i vit dhe cilësohet si partizan i Trump.

Kryepeshkopi i Canterburry, Justin Welby, ka dhënë dorëheqjen nga posti, për shkak sipas tij “të trishtimit pas dështimit për të siguruar një hetim të duhur rreth akuzave për abuzim nga një vullnetar në kampet verore të Kishës dekada më parë”. Kërkesa për dorëheqjen e tij erdhi pas publikimit të raportit javën e kaluar që konfirmonte se ai nuk kishte marrë masat e duhuara për të ndalur një person që përshkruhet si abuzuesi serial në Kishën e Anglisë.

Në Gjermani do të mbahen zgjedhje të parakohshme më 23 shkurt. Ndonëse deri më tani ishte diskutuar një datë nga fundi i marsit, dakordësia mes socialdemokratëve dhe kristiandemokratëve ka afruar datën me një muaj.

Data përfaqëson një kompromis mes qëndrimit të kancelarit Scholz për të zhvilluar zgjedhjet në fund të marsit dhe kërkesës së kreut të kristiandemokratëve Friedrich Merz që zgjedhejt të mbaheshin më 19 janar.

Në mediat sociale po raportohen akte dhune në Amsterdam. Djegie e një tramvaji dhe sulme. Disa llogari flasin për "të rinj afrikanoveriorë dhe të Lindjes së Mesme", por shumë prej komentuesve i cilësojnë sulmet si provokim të Mossad-it.

November 11, 2024

Ish-Sekretari për Çështjet e Brendshme në Britaninë e Madhe dhe lider i Torëve, Lordi Howard, ka kërkuar rishikimin e Aktit për të Drejtat e Njeriut, që u propozua nga Tony Blair, pasi sipas tij ai ka provokuar një transferim të pushtetit nga Parlamenti te gjykatat dhe ka sjellë një ndryshim në kulturën juridike.