Blloku Bota

Vendimi për të dislokuar raketat amerikane me rreze të gjatë veprimi në Gjermani nga viti 2026 është një përgjigje ndaj dislokimit të sistemeve raketore taktike Iskander në Rajonin e Kaliningradit të Rusisë.

Ministri gjerman i Mbrojtjes, Boris Pistorius, në një intervistë për Tageblatt, me qendër në Luksemburg, thotë se “ajo që Shtetet e Bashkuara do të bëjnë në Gjermani nga viti 2026 nuk është gjë tjetër veçse një përgjigje ndaj kërcënimit të Rusisë të përfaqësuar nga dislokimi i raketave Iskander në Kaliningrad".

Ish-presidenti amerikan, Barack Obama, bëhet demokrati i radhës që kërkon tërheqjen Joe Biden nga gara. Sipas Washington Post, Obama beson se 81-vjeçari duhet "të konsiderojë seriozisht qëndrueshmërinë e kandidaturës së tij".

WP i referohet disa burimeve pranë ish-presidentit Obama, i cili nuk reagoi pas botimit të lajmit.

Me 401 vota pro, Ursula von der Leyen është zgjedhur për një mandat të dytë në krye të Komisionit Europian. 284 vota kanë qenë kundër, 15 abstenime dhe 7 të pavefshme.

Ajo arriti të fitojë mbështetjen e tre frupeve pro-BE-së: të qendrës dhe të djathtëve – Partia Popullore, Socialistë dhe liberalëve të Rinovimit.

Ish-zv.kryeministri i Greqisë, Giannis Dragasakis, njëherazi themues dhe njeri me peshë në partinë Syriza ka deklaruar largimin prej saj. Në një deklaratë të cituar në mediat greke, Dragasakis ka vënë në dukje rolin përkeqësues të kryetarit aktual të partisë, Stefanos Kasselakis, që sipas tij:

Trashëgoi një parti me probleme, por po përkeqëson ato dhe po e çmajtëzon atë

Dragasakis ka deklaruar se ka nevojë për një parti të re të së majtës.

Ministri i Jashtëm turk, Hakan Fidan, ish-drejtues i shërbimit sekret, ka zhvilluar një bisedë telefonike me kreun e Byrosë Politike të lëvizjes islamike palestineze, Hamas, Ismail Haniyeh që sipas mediave turke ka patur në vëmendje “situatën humanitare në Gaza”.

Kina ka njoftuar ndërprerjen e konsultimeve me SHBA mbi kontrollin dhe mospërhapjen e armëve, nisur nga fakti se Washingtoni ka vijuar të shesë armë Tajvanit, pavarësisht kundërshtimit të Pekinit.

Prej disa kohësh tashmë, SHBA po i shet armë Tajvanit pavarësisht kundërshtimit të fortë kinez dhe negociatave të përsëritura. Kina ka vendosur të ndërpresë konsultimet mbi kontrollin dhe mospërhapjen e armëve me SHBA

Gjykata e Përgjithshme Europiane ka përcaktuar së fundmi se Komisioni Europian nuk ka dhënë akses të mjaftueshëm publik për kontratat e lidhura me prodhuesit farmaceutikë gjatë pandemisë së CoVid-19.  Sipas gjykatës amendimin e disa seksioneve të marrëveshjes së miratuar nga Presidentja Ursula Von der Leyen, përmbajnë parregullsi.

Raportimi në mediat sociale i shkeljeve të rënda të sigurisë ushqimore e ka detyruar qeverinë kineze të hapë një hetim. Përdoruesit e rrjeteve sociale raportuan se cisternat e karburantit janë përdorur për të transportuar vaj gatimi dhe shurup pasi kanë bartur kimikate toksike. Vaji i destinuar për konsum është futur në cisterna pa u bërë pastrimi i duhur ndërmjet ngarkesave.

Lajmi u publikua fillimisht në Pekin News, një media shtetërore, të cilës i referohet BBC.

Një grup prej 63 anëtarësh të Parlamentit Evropian kërkojnë që Hungarisë t'i hiqet e drejta e votës në Këshillin e BE-së, ku ajo aktualisht mban presidencën.

Roberta Metsola u rikonfirmua si presidente e Parlamentit Europian me 562 vota nga 699 votues. Shumica e nevojshme ishte 312 vota. Metsola mori 90.2% të votave, përqindja më e lartë në historinë e Parlamentit Evropian.

Rivalja e vetme ishte anëtarja spanjolle e PE, e ardhur nga radhët e Podemos, Irene Montero, 61 vota.