Blloku Bota

Fjalimi I kreut të Këshillit të Europës, Charles Michel në një seancë të Këshillit të Sigurimit në OKB, ka provokuar largimin nga mbledhja të ambasadorit rus Vassily Nebenzia. Shkak është bërë akuza direkte e Michel sipas të cilit Rusia është përgjegjësja e vetme për krizën aktuale ushqimore, madje ajo po e përdor atë si armë që po provokon varfëri dhe uri.

Michel po ashtu akuzoi se ushtarët rusë kanë kryer krime seksuale në Ukrainë, diçka që është hedhur kategorikisht poshtë nga Nebenzia.

Në Serbi po diskutohet me intensitet vizita e pritshme e kancelarit gjerman, Olaf Scholz, që pritet të ketë një fokus mbi marrëdhëniet e Beogradit me Prishtinën. Presidenti serb, Vuçiç, bëri të qartë dy ditë më parë se pavarësisht mesazheve jo të lehta që priten nga vizita e Scholz, Serbia duhet të jetë mirënjohëse ndaj Gjermanisë, por edhe të mbajë parasysh se investimet gjermane punësojnë 77 mijë njerëz në Serbi.

Për analistët serbë, mesazhet e Scholz janë realisht sfiduese, por në politikë nuk duhet patur frikë.

Athina zyrtare ka vënë në axhendë të politikave kundër pasojave të plakjes dhe uljes së popullsisë.  Kryeministri i vendit, Kyriakos Mitsotakis, deklaroi gjatë një conference të zhvilluar në Athinë sot, se Greqia përballet me “kërcënimin imediat dhe domethenës” të plakjes së popullisë.

Nuk po përballemi me një kërcënim ndaj identitetit tonë kombëtar, por me një sfidë direkte ndaj aftësisë së vendit tonë për të prodhuar mirëqenie në nivel kolektiv dhe individual, që mbështesin matricën sociale që mban njerëzit bashkë

Bllokimi i hapësirës ajrore të Malit të Zi, Bullgarisë dhe Maqedonisë së Veriut për kalimin e avionit të ministrit të Jashtëm rus, Lavrov, është vlerësuar nga SHBA. Zëdhënësi i DASH, Ned Price deklaroi gjatë një konference për shtyp se “SHBA i bën thirrje Serbisë të përqendrohet në synimin e vet për anëtarësim në BE përfshirë edhe harmonizimin e politikës së saj të jashtme me pjesën tjetër të Europës”. Ka diçka shumë arrogante kur i tregon një vendi se ku duhet të përqendrohet. 

Përveç luftës, bota duket se po hynë në një klimë sëmundjeje nervore dhe situatë të rënduar psikologjike që vetëm të mirën nuk sjell. Në Ukrainë, Ministria e Arsimit ka dalë me vendimin për nxjerrë nga kurikulat mësimore, «Lufta dhe Paqja» të Leon Tolstoit.  

P.sh "Lufta dhe Paqja" nuk do të studiohet në Ukrainë. Kjo sepse çdo gjë që glorifikon “Ushtrinë e Orkëve”, çdo gjë do të zhduket nga programi

Presidenti i Serbisë Aleksander Vuçiçka mbrojtur së fundmi qëndrimin e vendit të tij në lidhje me Rusinë dhe vizitën e anulluar të ministrit të Jashtëm rus, Lavrov. E anulluar për shkak të bllokimit të hapësirës ajrore nga Bullgaria dhe Mali i Zi, vizita e Lavrov konfirmoi natyrën e tensionit aktual në Europë. Vuçiç ka ekspozuar një klimë të vërtetë shantazhi në Europën e zhytur në politikën autodestruktive të sanksioneve dhe presionit që nuk është as ky i njëjtrajtshëm.

Vizita e parashikuar e ministrit të Jashtëm rus në Serbi ka krijuar dhimbje të madhe koke në Beograd. Kryeministrja serbe, Ana Brnabiç ka folur për “vështirësi logjistike” gjatë një interviste në Tv Pink, elementë këto që lënë shumë vend për interpretim. 

Është vërtet e pabesueshme se situata në Europë dhe botë është e tillë saqë presidenti i një vendi duhet të merret me gjëra të tilla si logjistika e udhëtimit të një ministri të jashtëm, të cilat përcaktojnë nëse ai do të vijë ose jo

 Presidenti francez Emmanuel Macron ka deklaruar se Perëndimi nuk duhet ta poshtërojë presidentin rus, Vladimir Putin, në mënyrë që të ndërtohet një paqe e qëndrueshme.

Ne nuk duhet ta poshtërojmë Rusinë kështu që ditën kur luftimet ta ndalin të mund të dalim me paqen përmes mjeteve diplomatike. Mendoj dhe ja kam thënë atij, se ka bërë një gabim themelor dhe historik për popullin e tij dhe veten. Mendoj se e izoloi veten. Të strehohesh në izolim është një gjë, të gjesh një rrugë për të dalë është gjë e vështirë

Rusia do të vazhdojë operacionet e veta ushtarake në Ukrainë deri sa të përmbushë të gjitha objektivat e vet. Zëdhënësi i Kremlinit, Dmitry Peskov ka deklaruar se asgjë nuk e ndryshon axhendën e Rusisë në arritjen e objektivave të vet mbi fqinjin historik. 

I pyetur mbi mundësinë e referendumit në Donbas për bashkimin me Rusinë, Peskov ka përjashtuar mbajtjen e tyre së shpejti për shkak të sigurisë së popullsisë të cilën Kremlini ende nuk e ka të garantuar. 

Greqia ka nisur të flasë për angazhim ushtarak me Turqinë në kuadër të tensioneve të shtuara në Mesdheun Lindor. Ministri grek i Mbrojtjes, Nikos Panagiotopoulos ka deklaruar në një intervistë për mediat greke se “Turqia është e vetëdijshme për koston e madhe” të çdo angazhimi ushtarak me Greqinë.

Janë kapacitetet tona që frenojnë palën tjetër nga guximi për t’u angazhuar ushtarakisht, pasi ata e dinë koston e madhe që do të jenë të detyruar të paguajnë. Erdogan provokon përherë tensione sa herë ndihet i kërcënuar në punët e brendshme