Blloku Bota

Vizita e parashikuar e ministrit të Jashtëm rus në Serbi ka krijuar dhimbje të madhe koke në Beograd. Kryeministrja serbe, Ana Brnabiç ka folur për “vështirësi logjistike” gjatë një interviste në Tv Pink, elementë këto që lënë shumë vend për interpretim. 

Është vërtet e pabesueshme se situata në Europë dhe botë është e tillë saqë presidenti i një vendi duhet të merret me gjëra të tilla si logjistika e udhëtimit të një ministri të jashtëm, të cilat përcaktojnë nëse ai do të vijë ose jo

 Presidenti francez Emmanuel Macron ka deklaruar se Perëndimi nuk duhet ta poshtërojë presidentin rus, Vladimir Putin, në mënyrë që të ndërtohet një paqe e qëndrueshme.

Ne nuk duhet ta poshtërojmë Rusinë kështu që ditën kur luftimet ta ndalin të mund të dalim me paqen përmes mjeteve diplomatike. Mendoj dhe ja kam thënë atij, se ka bërë një gabim themelor dhe historik për popullin e tij dhe veten. Mendoj se e izoloi veten. Të strehohesh në izolim është një gjë, të gjesh një rrugë për të dalë është gjë e vështirë

Rusia do të vazhdojë operacionet e veta ushtarake në Ukrainë deri sa të përmbushë të gjitha objektivat e vet. Zëdhënësi i Kremlinit, Dmitry Peskov ka deklaruar se asgjë nuk e ndryshon axhendën e Rusisë në arritjen e objektivave të vet mbi fqinjin historik. 

I pyetur mbi mundësinë e referendumit në Donbas për bashkimin me Rusinë, Peskov ka përjashtuar mbajtjen e tyre së shpejti për shkak të sigurisë së popullsisë të cilën Kremlini ende nuk e ka të garantuar. 

Greqia ka nisur të flasë për angazhim ushtarak me Turqinë në kuadër të tensioneve të shtuara në Mesdheun Lindor. Ministri grek i Mbrojtjes, Nikos Panagiotopoulos ka deklaruar në një intervistë për mediat greke se “Turqia është e vetëdijshme për koston e madhe” të çdo angazhimi ushtarak me Greqinë.

Janë kapacitetet tona që frenojnë palën tjetër nga guximi për t’u angazhuar ushtarakisht, pasi ata e dinë koston e madhe që do të jenë të detyruar të paguajnë. Erdogan provokon përherë tensione sa herë ndihet i kërcënuar në punët e brendshme

Kancelari austriak Karl Nechamer ka deklaruar gjatë takimit të Partive Popullore Europiane se propozimi i presidentit francez, Emmanuel Macron për krijimin e një këshilli politik me vendet që presin të anëtarësohen në BE, mund të provokojë dëme të karakterit strategjik. Propozimi i Macron ishte refleks i situatës në Ukrainë dhe duke qenë se anëtarësimi i këtij vendi u kërkua menjëherë, lideri francez bëri atë që di të bëjë më mirë: dha iluzionin e shpresës me një marifet burokratik.

Për Nechamer vendosja e përparësive mund të sjellë probleme strategjike.

Mediat turke shkruajnë se Ankaraja zyratre po përgatitet të kundështojë zyrtarisht atë që e quan standard i dyfishtë që aplikohet ndaj qytetarëve turq për marrjen e vizës “Shengen”.

Për këtë qëllim, Turqia do të dorëzojë një raport zyrtar në Komitetin e Çështjeve Ligjore dhe të Drejtave të Njeriut në Asamblenë Parlamentare të Këshillit të Europës përmes të cilit kërkon që të marrë fund ky “trajtim i dyfishtë”.

Rusia ka nisur në mes të një operacioni ushtarak procesin e aneksimit të territoreve të Ukrainës. Agjencia e lajmeve “Tass” raporton se autoritetet e qytetit të Kherson, kanë ndërmend të shtrojnë çështjen e hyrjes së rajonit në fjalë në Federatën Ruse në një të ardhme të afërt, me synim shndërrimin e tij në një entitet territorial rus. 

Lajmi konfirmohet për agjencinë nga një përfaqësues i rajonit siç prezantohet ai, Kirill Stremousov, zv. Kryetar i Administratës Civilo-Ushtarake të Khersonit. 

Në aspektin, ushtarak, kriza e Ukrainës ka riafirmuar vlerën e dronit turk, “Bayraktar”, duke hapur kështu parantezën e një ere të re në aktorët që e përcaktojnë atë. Droni në fjalë nuk është një alternativë e lirë për forcat ukrainase, përkundrejt sistemeve të fuqive kryesore, ai po shndërrohet në kallashnikovin e ri, për nga masiviteti i përdorimit dhe vlera e tij luftarake.

Përfaqësuesi i Lartë për Çështjet me Jashtë dhe të Sigurisë së Bashkimit Europian, Josep Borrell, ka deklaruar në samitin e unionit, se koha ka ardhur që Europa të bëhet një fuqi ushtarake.

Ajo që kemi mësuar nga lufta në Ukrainë është se tregtia nuk mjafton, sundimi i ligjit nuk mjafton, nuk mjafton të jesh një fuqi e mirë civile, ne duhet të jemi po ashtu fuqi ushtarake

ka thënë Borrell.

Presidenti rus Vladimir Putin dhe ai serb, Aleksandër Vuçiç, kanë zhvilluar një bisedë telefonike gjatë së cilës është konfirmuar partneriteti strategjik mes të dyja vendeve. 

Agjencia ruse e lajmeve “TASS” citon zyrën e shtypit të Kremlinit sipas së cilës, Vuçiç dhe Putin kanë rënë dakord për të vijuar furnizimin me gaz të Serbisë, pavarësisht situatës së tanishme.